Marsi 17-23
ƝANNDRA MUN 5
Jue 122 yɛ srɛlɛ | Aɲia’n i su fitilɛ (Min. 1)
1. Maan e wanndi bla nin bian kunndɛlɛ sukusuku’n nin i wunsu ɲannzuɛn sa mun
(Min. 10)
E konvi kwla sɔ bla nin bian kunndɛlɛ sukusuku’n nin i wunsu ɲannzuɛn sa mun. (Ɲan 5:3; w00-F 15/7 29 § 1)
Bla nin bian kunndɛlɛ sukusuku’n nin i wunsu ɲannzuɛn sa’m be agualiɛ’n yo wi. (Ɲan 5:4, 5; w00-F 15/7 29 § 2)
Maan e wanndi bla nin bian kunndɛlɛ sukusuku’n nin i wunsu ɲannzuɛn sa mun. (Ɲan 5:8; w00-F 15/7 29 § 5)
Aniaan bla kun su se gbanflɛn kun kɛ ɔ su fɛmɛn i telefɔnun nimielo’n mɛnmɛn i.
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
-
Ɲan 5:9—?Ngue ti yɛ sɛ sran kun kunndɛ bla nin bian sukusuku annzɛ ɔ yo i wunsu ɲannzuɛn sa mun’n, ɔ ti kɛ ɔ su man ‘sran wie i atin kɛ ɔ sokpɛ i-ɔ’? (w00-F 15/7 29 § 7)
-
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ɲan 5:1-23 (th like suanlɛ 5)
4. A nin sran bo yalɛ kokolɛ bo
(Min. 3) NZRA NUN JASIN FƐ BOLƐ. Yia sran kun m’ɔ kɔman asɔnun’n e Wla Kpɛnlɛ aɲia’n i bo. Kɔ jw.org su naan kunndɛ e Wla Kpɛnlɛ aɲia’n i yowlɛ ng’ɔ mantan sran’n i tranwlɛ’n i wun koko’n. (lmd like suanlɛ 6 ndɛ ja 4)
5. Nian sran osu
(Min. 4) AWLOAWLO’M BE NUN. A dun mmua yiali sran’n e Wla Kpɛnlɛ aɲia’n i bo yɛ ɔ kleli kɛ ndɛ’n lo i. (lmd like suanlɛ 9 ndɛ ja 5)
6. Yo maan sran’m be kaci Zezi i sɔnnzɔnfuɛ
(Min. 5) lff like suanlɛ 16 ndɛ’n i kpɔlɛ bolɛ, nin ndɛ’n i nun flanlɛ ɔ nin like ng’ɔ fata kɛ a yo’n. Like suanfuɛ’n usa wɔ sɛ Zezi jali bla-o. Kle i wafa nga i bɔbɔ kwla kunndɛ kosan sɔ’n i su tɛlɛ’n. (lmd like suanlɛ 11 ndɛ ja 4)
Jue 121
7. ?Kɛ amún nían amun wiengu nzuɛn’n ngue yɛ amun kwla yo naan amun a yoman sa tɛ-ɔ?
(Min. 15) Yalɛ kokolɛ.
Kɛ yasua kun nin bla kun bé nían be wiengu nzuɛn’n be yo ninnge wie mun likawlɛ yɛ be kle kɛ be klo be wun. Sɛ be yo sɔ nzra nun annzɛ nvialiɛ nun annzɛ telefɔnun nun annzɛ kusu mesazi nun’n, ɔ ti be wiengu nzuɛn nianlɛ. Blɛ mɔ yasua kun nin bla kun be fa nian be wiengu nzuɛn’n ɔ timan be ɲin su yiyilɛ blɛ ngunmin, sanngɛ ɔ ti blɛ cinnjin kpa kun mɔ be nɲɔn’n be nian sɛ be kwla ja-o. ?Kannzɛ be nga be su nian be wiengu nzuɛn’n be ti kpɛnngbɛn annzɛ gbanflɛn annzɛ talua’n, ngue yɛ ɔ kwla uka be naan b’a tɔman sa tɛ’n nun-ɔn?—Ɲan 22:3.
Bo VIDEO Siesie ɔ wun ka naan w’a ja bla annzɛ bian—Bue 1: ?M’an ju kɛ e nin sran kun e nian e wiengu nzuɛn?—I bue kan. I sin’n usa nzrafuɛ’m be kɛ:
-
?Ngue ti yɛ sɛ sran kun nin-a juman bian annzɛ bla jalɛ’n, ɔ fataman kɛ ɔ se kɛ ɔ nin sran kun bé nían be wiengu nzuɛn-ɔn? (Ɲan 13:12; Lik 14:28-30)
-
?Kɛ siɛ nin niɛn’n bé úka be wa bla’n, ngue yɛ be yoli m’ɔ yo ɔ fɛ-ɔ?
An kanngan Ɲanndra Mun 28:26 nun. I sin’n usa nzrafuɛ’m be kɛ:
-
?Ngue yɛ yasua kun nin bla kun mɔ be su nian be wiengu nzuɛn’n be kwla yo naan b’a tɔman bla nin bian kunndɛlɛ sukusuku’n nun-ɔn?
-
?Ngue ti yɛ ɔ fata kɛ sran nɲɔn mɔ be su nian be wiengu nzuɛn’n, be koko ninnge nga be kwla yo fa kle kɛ be klo be wun mɔ i wie yɛle be wiengu sa nun tralɛ annzɛ be wun anblase yolɛ’n i su yalɛ-ɔ?
An kanngan Efɛzifuɛ Mun 5:3, 4 nun. I sin’n usa nzrafuɛ’m be kɛ:
-
?Kɛ be nga be su nian be wiengu nzuɛn’n bé kókó yalɛ telefɔnun nun annzɛ ɛntɛnɛti su’n, ngue yɛ ɔ fataman kɛ be wla fi su-ɔ?
8. Asɔnun’n i Biblu’n nun like suanlɛ
(Min. 30) bt ndɛ tre 24 § 1-6
