Fevrie 24–Marsi 2
ƝANNDRA MUN 2
Jue 35 yɛ srɛlɛ | Aɲia’n i su fitilɛ (Min. 1)
1. ?Ngue ti yɛ ɔ fata kɛ a mian ɔ ɲin suan Biblu’n nun like kpa-ɔ?
(Min. 10)
I sɔ’n kle kɛ ndɛ nanwlɛ’n ti ɔ cinnjin. (Ɲan 2:3, 4; w22.08 19 § 16)
I sɔ’n úka wɔ naan w’a fa ajalɛ kpa. (Ɲan 2:5-7; w22.10 19 § 3-4)
I sɔ’n yó maan á láfi Ɲanmiɛn su kpa. (Ɲan 2:11, 12; w16.09 22-23 § 2-3)
USA Ɔ WUN KƐ: ‘?Ngue yɛ n kwla yo naan min ngunmin m’an suan Biblu’n nun like kpa-ɔ?’
2. Ninnge kpakpa mɔ be o Ɲanmiɛn Ndɛ’n nun’n
(Min. 10)
-
Ɲan 2:7—?Kɛ be se kɛ be nga be nanti seiin’n Zoova “sasa be kɛ ɲrɛn” sa’n i bo’n yɛle nin? (it-1-F 1195 § 4)
-
?Biblu’n i bue ng’ɔ fata kɛ e kanngan nun lemɔcuɛ nga nun’n i nun ndɛ fɛ benin yɛ a kunndɛ kɛ á bó su-ɔ?
3. Biblu’n nun kannganlɛ
(Min. 4) Ɲan 2:1-22 (th like suanlɛ 12)
4. A nin sran bo yalɛ kokolɛ bo
(Min. 4) AWLOAWLO’M BE NUN. Kle sran’n wafa ng’ɔ kwla wun ndɛ wie m’ɔ kwla uka be nga b’a ja bla annzɛ bian’n jw.org su’n. (lmd like suanlɛ 1 ndɛ ja 3)
5. Nian sran osu
(Min. 3) JASIN FƐ BOLƐ NGA B’A SIESIEMAN’N. A nin sran’n be kokoli yalɛ laa yɛ ɔ kannin ndɛ kun m’ɔ lo i’n i ndɛ kleli wɔ. Fa fluwa kun m’ɔ kan ndɛ sɔ’n i ndɛ’n mɛn i. (lmd like suanlɛ 9 ndɛ ja 3)
6. Ijɔlɛ
(Min. 5) lmd ndɛ uflɛ wie mun 1 ndɛ ja 8—Ndɛ nga á yíyí nun’n: Ɔ fata kɛ be nga b’a ja’n be di nda nga be tali be wiengu’n su titi. (th like suanlɛ 13)
Jue 96
7. ?A klo ninnge kpakpa nga be ti fiawa’n be kunndɛlɛ?
(Min. 15) Yalɛ kokolɛ.
?Gbanflɛn nin talua mun, amun klo ninnge kpakpa nga be ti fiawa’n be kunndɛlɛ? Sɛ ɔ ti sɔ’n, Biblu’n wla amun fanngan kɛ amun kunndɛ like kun m’ɔ ti kpa lele tratra su’n. Like sɔ’n yɛle Ɲanmiɛn i silɛ’n! (Ɲan 2:4, 5) Sɛ amun kunndɛ kɛ amún wún like sɔ’n, amun kanngan Biblu’n nun cɛn kwlakwla yɛ amun kunndɛ ndɛ nga amun kanngannin nun’n i su like kpa. Sɛ amun yo sɔ’n, amún dí aklunjɔɛ yɛ amún sí like kpanngban!
-
?Kɛ amún kánngan Biblu’n nun’n, kosan benin mun yɛ amun kwla fa usa amun wun-ɔn? (w24.02 32 § 2-3)
-
?Ninnge benin mun yɛ be kwla uka amun naan amun a wun kosan sɔ’m be su tɛlɛ mun-ɔn?
Video akpasua nga be flɛ i kɛ Suan Zoova i janvuɛ’m be su like’n kwla uka amun naan amun a bu ndɛ nga amun kɛnngɛn i Biblu’n nun’n i su akunndan.
Bo VIDEO nga be flɛ i kɛ Suan Zoova i janvuɛ’m be su like—Abɛli.
An kanngan Bo Bolɛ 4:2-4 nin Ebre Mun 11:4 be nun. I sin’n usa nzrafuɛ’m be kɛ:
-
?Wafa sɛ yɛ Abɛli kleli kɛ ɔ ti Zoova i janvuɛ-ɔ?
-
?Ngue yɛ Abɛli yoli naan w’a lafi Zoova su kpa-ɔ?
-
?Ngue yɛ amun kwla yo naan amun a lafi Ɲanmiɛn su kpa-ɔ?
8. Asɔnun’n i Biblu’n nun like suanlɛ
(Min. 30) bt ndɛ tre 23 § 1-8 nin akpasua 8 i su fitilɛ
