ƝANMIƐN NDƐ’N NUN NINNGE KPAKPA WIE MUN | EZAI 58–62
‘Kan afuɛ nga Zoova ɔ́ yó sran’m be ye’n i ndɛ’
‘Afuɛ nga Zoova ɔ́ yó sran’m be ye’n’ timan afuɛ jrɛiin sa
-
Blɛ nga Zoova fa man wun ase kanfuɛ mun naan be fa ajalɛ be su i’n, i ndɛ yɛ be kan-ɔn.
-
Klistfuɛ klikli’m be blɛ su’n, kɛ Zezi boli Ɲanmiɛn i junman’n i dilɛ’n bo afuɛ 29 nun’n, yɛ blɛ sɔ’n boli i bo-ɔ. Ɔ fɛ i lɛ lele fa juli Zerizalɛmun klɔ’n i sacilɛ’n afuɛ 70 nun. Afuɛ sɔ’n yɛ ɔ ti Zoova i ‘cɛn ng’ɔ tuli i klunngbɔ’n’ niɔn.
-
E blɛ liɛ nun’n, kɛ be sieli Zezi famiɛn ɲanmiɛn su lɔ afuɛ 1914 nun’n, yɛ blɛ sɔ’n boli i bo-ɔ. I awieliɛ’n yɛle ɲrɛnnɛn dan’n.
Zoova mɛn i sufuɛ’m be “Sɛsɛ Yolɛ Waka [dandan] Mun” fa yra be su
-
Waka tɛnndɛn kpa’m be ɲin likawlɛ bo’n nun lɔ titi. I sɔ’n yo maan be suan be wiengu bo.
-
Be olui’m be trɛ kpa, be to be bla nun, yɛ be wlu asiɛ’n i bo lɔ kpa. Ɔ maan aunmuan dandan’m be kwlá tuman be bo.
-
Waka tɛnndɛn’m be fɔnvɔ’n, ɔ sasa waka kanngan mun. Be nɲa’m be kpɔ gua. I ti’n, be bo lɛ asiɛ’n yo kpa.
Be nga Ɲanmiɛn kpali be sieli be ngunmin’n be onga’n, be yɛle “Sɛsɛ Yolɛ Waka [dandan] Mun.” Be sasa Zoova i sufuɛ nga be o mɛn wunmuan nun’n yɛ be suan be bo.
