LIKE NGA KLISTFUƐ’M BE YO’N
Like nga ɔ ɲin wo i sin ti’n, di aklunjuɛ
Like nga e ɲin wo i sin’n ti kɛ mmeli’n i blalɛ mɔ be fa jrɛn i’n sa. (Eb 6:19) Afin kɛ sa kekle’m be tɔ e su’n, like nga e ɲin o i sin’n ti’n e kwla jran kekle. (1Ti 1:18, 19) Sa sɔ’m be kwla yo e bɔbɔ e fɔnlɛ mɔ e fɔn’n, annzɛ ninnge nga be fi e sa’n, annzɛ tukpacɛ wie m’ɔ tin e su’n, annzɛ e anwlɛn su sran m’ɔ wu’n, annzɛ like uflɛ mɔ i ti’n Ɲanmiɛn i sulɛ tankaan’n kwla yo kekle man e’n.
Ɲanmiɛn sulafilɛ’n, ɔ nin like nga e ɲin o i sin’n ti’n, e wun like nga Ɲanmiɛn waan ɔ́ fá mán e’n i wlɛ kpa. (2Ko 4:16-18; Eb 11:13, 26, 27) I sɔ’n ti’n, sɛ e lafi su kɛ é kɔ́ ɲanmiɛn su o, annzɛ é ká asiɛ’n su wa o, ɔ fata kɛ ninnge nga Ɲanmiɛn waan ɔ́ yó mán e’n mɔ be o Ɲanmiɛn Ndɛ’n nun’n, e bu be su akunndan titi. I liɛ’n, sɛ sa tɔ e su’n, é kwlá jrán kekle. Yɛ é dí aklunjuɛ titi. —1P 1:6, 7.
AN NIAN VIDEO NG’Ɔ SUAN LIKE NGA Ɔ ƝIN WO I SIN TI’N, DI AKLUNJUƐ. I SIN’N AN TƐ KOSAN NGA’M BE SU:
-
?Ajalɛ kpa benin yɛ Moizi kle e-ɔ?
-
?Junman benin yɛ ɔ fata kɛ awlobo kpɛn’m be di-ɔ?
-
?Kɛ amún sú Ɲanmiɛn awlo lɔ’n, ngue yɛ amun kwla suan su like-ɔ?
-
?Wafa sɛ yɛ like nga ɔ ɲin o i sin’n kwla uka ɔ naan w’a jran sa’m be ɲrun kekle kpa-ɔ?
-
?Ngue yɛ ɔ ɲin o i sin kɛ á ɲɛ́n i-ɔ?
