LIKE NGA KLISTFUƐ’M BE YO’N
Be wiengu klolɛ’n ti Klistfuɛ kpa’m be nzɔliɛ: Nán e bu e ngunmin e wun akunndan yɛ nán e fa ya ndɛndɛ
?NGUE TI YƐ Ɔ TI CINNJIN-ƆN? Zezi waan i sɔnnzɔnfuɛ’m be klo be wiengu, naan i sɔ’n ti be nzɔliɛ like. (Zn 13:34, 35) Kɛ Klist sa’n, sɛ e waan é kló e wiengu’n, nán e bu e ngunmin e wun akunndan, yɛ nán e fa ya ndɛndɛ.—1Ko 13:5.
?WAFA SƐ YƐ É YÓ I SƆ-Ɔ?
-
Sɛ sran kan e ndɛ tɛ’n, annzɛ ɔ yo e sa wie m’ɔ yo e ya’n, e jran kan naan e bu like nga ti yɛ ɔ yoli sɔ’n, i akunndan. Yɛ e bu wafa nga e klo kɛ é tɛ́ i su’n i agualiɛ’n, i akunndan.—Nya 19:11
-
Nán e wla fi su kɛ e kwlaa e yo sa tɛ, naan ɔ ju wie’n, e kan ndɛ wie annzɛ e yo sa wie mɔ kasiɛn su’n, ɔ yo e nsisɔ-ɔ.
-
Kɛ ndɛ tɔ’n, maan e siesie i ndɛndɛ.
AN NIAN VIDEO “AN KLO AMUN WIENGU”: NÁN E BU E NGUNMIN E WUN AKUNNDAN YƐ NÁN E FA YA NDƐNDƐ. I SIN’N, AN TƐ KOSAN NGA’M BE SU:
-
?Wafa sɛ yɛ Lari tɛli Anri i su-ɔ?
-
?Ngue yɛ ɔ ukali Lari naan w’a faman ya ndɛndɛ-ɔ?
-
?Kɛ Anri tɛli Lari su amanniɛn su’n, wafa sɛ yɛ i bo guali-ɔ?
?Kɛ e faman ya ndɛndɛ’n, i su ye benin yɛ asɔnun nunfuɛ’m be ɲɛn i-ɔ?
