Blɛ mɔ Zezi o asiɛ’n su wa’n, ɔ tinnin afɔtuɛ ng’ɔ se kɛ “bu ɔ si nin ɔ nin be sran’n” i su kpa. (Tu 20:12; Mt 15:4) Afin kɛ ɔ fɛ i kaan nun lele’n, “i nyin yi” i si nin i nin. (Lk 2:51) Asa kusu’n, kɛ Zezi yoli kaklaka’n, ɔ fali ajalɛ naan sɛ ɔ nunman nun kun’n, be niɛn i nin’n i lika.—Zn 19:26, 27.

Andɛ kusu, gbanflɛn nin talua nga be ti Klistfuɛ’n be bu be si nin be nin’m be sran. Yɛle kɛ, be kan ndɛ kle be aɲinyiɛ su. Be si nin be nin be sran bulɛ’n, ɔ leman awɛ. Kannzɛ e si nin e nin b’a yo oke bɔbɔ’n, ɔ fata kɛ e bu be sran titi. Maan e suan ngwlɛlɛ be sa nun. (Nya 23:22) Asa ekun’n, maan e nian be lika kɛ ng’ɔ nin i fata’n sa. I wie yɛle kɛ, maan e yɛyɛ be. (1Ti 5:8) Sɛ e ti bakan annzɛ kpɛnngbɛn o, maan e kan ndɛ e kle e si nin e nin aɲinyiɛ su titi. I liɛ’n, é bú be sran titi.

AN NIAN VIDEO ?WAFA SƐ YƐ N KWLA KAN NDƐ N KLE MIN SI NIN MIN NIN-ƆN? I SIN’N, AN TƐ KOSAN NGA’M BE SU:

• ?Ngue ti yɛ ɔ ju wie’n, ɔ ti kekle man wɔ kɛ a kan ndɛ kle ɔ sin nin ɔ nin-ɔn?

• ?Kɛ á kán ndɛ klé ɔ si nin ɔ nin’n, wafa sɛ yɛ a kwla kle kɛ a bu be sran-ɔn?

• ?Ngue ti yɛ ɔ ti kpa kɛ a mian ɔ ɲin kan ndɛ kle ɔ si nin ɔ nin-ɔn? (Nya 15:22)