?NGUE TI YƐ Ɔ TI CINNJIN-ƆN? Sɛ “sran klun akunndan’n ɔ ti kɛ nzue b’ɔ wo asiɛ’n i bo’n” sa’n, nn kosan’m be ti kɛ so mɔ be fa sa nzue sɔ’n sa. (Nya 20:5) Kɛ e usa sran i kosan’n i sɔ yo maan ɔ kɛn i klun ndɛ. Kɛ e fa kosan ng’ɔ fata’n e usa sran kun’n, blɛ sunman nun’n, ɔ tɛ su kɛ ɔ nin i fata’n sa. Zezi sili kosan usa. ?Wafa sɛ yɛ e kwla yo kɛ i sa-ɔ?

?WAFA SƐ YƐ É YÓ I SƆ-Ɔ?

• Maan e usa kosan nga be kwla yo naan sran’n w’a kɛn i klun ndɛ’n. Zezi usali i sɔnnzɔnfuɛ’m be kosan wie mun naan b’a kan be klun ndɛ. (Mt 16:13-16; be-F 238 § 3-5) ?Kosan benin mun yɛ a kwla usa naan sran’n w’a kɛn i klun ndɛ-ɔ?

• Maan e fa kosan kun nin i su tɛlɛ fanunfanun mun’n, e usa sran’n. Kɛ ɔ ko yo naan Zezi w’a kaci akunndan nga Piɛli bu’n, ɔ fali kosan nin i su tɛlɛ fanunfanun usali Piɛli. I sin’n, Piɛli wunnin ndɛ’n i wlɛ. (Mt 17:24-26) ?Kosan nin i su tɛlɛ fanunfanun benin mun yɛ a kwla fa usa sran kun naan w’a wun ɔ ndɛ’n i wlɛ-ɔ?

• Maan e yo e ndɛ tiefuɛ’n i mo. Kɛ mmla klefuɛ kun ‘tɛli Zezi su kpa’n,’ Zezi yoli i mo. (Mr 12:34) ?Sɛ sran kun tɛ kosan su klanman’n, wafa sɛ yɛ a kwla yo i mo-ɔ?

BO VIDEO MAAN E DI JUNMAN KUNNGBA NGA ZEZI DILI’N WIE: MAAN E KLE SRAN’M BE LIKE. BO I BUE KLIKLI’N. I SIN’N, AN TƐ KOSAN NGA’M BE SU:

• ?Kannzɛ ndɛ nga aniaan’n kan’n ti nanwlɛ’n, ngue ti yɛ wafa ng’ɔ kle like’n ɔ timan su-ɔ?

• ?Ngue ti yɛ ɔ fataman kɛ e yiyi ndɛ’n nun e guɛ i lɛ sa ngbɛn-ɔn?

BO VIDEO’N I BUE NƝƆN SU’N. I SIN’N, AN TƐ KOSAN NGA’M BE SU:

• ?Ngue ti yɛ e kwla se kɛ aniaan bian’n sili kosan usa-ɔ?

• ?Like uflɛ benin yɛ ɔ yoli mɔ e kwla nian su e kle like-ɔ?