Awie nin awie ijre’n be wun ɲanndra’n
Ɲanmiɛn fɛ i wawɛ’n kpa Klistfuɛ wie mun sie be ngunmin. Ɔ boli i bo afuɛ 33 nun. Zezi buli awie nin awie ijre’n be wun ɲanndra naan e si wafa nga Ɲanmiɛn wá fá Klistfuɛ sɔ’m be ngba kɔ́ ɲanmiɛn su’n, ɔ nin blɛ ng’ɔ́ fá be kɔ́’n.
‘Sran kun fa awie guɛli i fie’n su’
-
Awie guafuɛ’n: Zezi Klist
-
Awie’n i gualɛ’n: Ɲanmiɛn fɛ i wawɛ’n kpa Zezi i sɔnnzɔnfuɛ wie mun
-
Fie’n: Mɛn’n
“Kɛ sran’m bé láfi’n, i kpɔfuɛ’n bali, ɔ wa guali awie’n nun awie ijre mma”
-
Kpɔfuɛ’n: Mmusu’m be si Satan
-
Sran’m be lafilɛ’n: Akoto’m be wulɛ
“An yaci be nnyɔn’n be lɛ maan ɔ fa ju awie kpɛlɛ blɛ’n”
-
Awie’n: Be nga Ɲanmiɛn kpali be sieli be ngunmin’n
-
Awie ijre’n: Be nga be tɔn be wun suɛn kɛ be ti Klistfuɛ’n
‘An dun mmua kpɛ awie ijre’n [...], naan be fa awie’n gua tanngannin’n nun’
-
Junman difuɛ mun/awie i kpɛfuɛ mun: Anzi mun
-
Awie ijre’n i kpɛlɛ: Be yili be nga be tɔn be wun suɛn kɛ be ti Klistfuɛ’n Klistfuɛ nga be kpali be ngunmin’n be afiɛn
-
Awie’n i tanngannin nun gualɛ: Ɲanmiɛn fali Klistfuɛ ng’ɔ kpali be sieli be ngunmin’n yoli i sufuɛ kpa mun.
?Kɛ awie kpɛlɛ’n boli i bo’n, ngbaciɛ benin yɛ ɔ trannin Klistfuɛ kpa mun nin be nga be tɔn be wun suɛn kɛ be ti Klistfuɛ’n, be afiɛn-ɔn?
?Kɛ n wun ɲanndra sɔ’n i wlɛ’n, i su ye benin yɛ n ɲɛn i-ɔ?