ƝANMIƐN NDƐ’N NUN NINNGE KPAKPA WIE MUN | MATIE 1–3
‘Nyanmiɛn su lɔ Famiɛn Diwlɛ’n i blɛ’n w’a mantan koko’
-
Kɛ a wun Zan cɛ’n, mɔ a nian wafa ng’ɔ wlɛwlɛli i wun’n, a ka lɛ sie i nzɔliɛ kɛ w’a kunndɛman ninnge kaka, naan Ɲanmiɛn i klun sa ngunmin yɛ ɔ klɛnnin i wun yoli-ɔ.
-
Junman nga Zezi dili’n, Zan dun mmua dili cenjele junman sɔ’n i kan. Ɔ maan afɛ kwlaa nga Zan wunnin i’n, ɔ juman aɲrunɲan junman dan ng’ɔ dili’n i nun kaan sa.
Kɛ e kunndɛman ninnge kaka’n, e kwla di Ɲanmiɛn i junman’n i kpa. Yɛ e di aklunjuɛ kpa. E kwla yo ninnge nga mun e fa kle kɛ e kunndɛman ninnge kaka:
-
Maan e sie ninnge nga e sa mian be wun sakpa’n, be nzɔliɛ.
-
Maan e yaci ninnge nga e mianman be wun sakpa’n, be tolɛ.
-
Nán e se kɛ é yó like nga e bɔbɔ e si jrɛiin kɛ e sika juman nun’n.
-
Ninnge nga e fa yoman like fi’n, nán be tran e sa nun kun.
-
Maan e tannin-tannin e su kalɛ mun.
-
Maan e yaci mɛn nun junman nga be sɔnnin e su’n, be nun wie’m be dilɛ.
Lalo nin blo zɔgɔda nzue yɛ Zan fa tɛli i wun-ɔn.
?Sɛ n kunndɛman ninnge kaka’n, ngue like yɛ ń kwlá suńnzun kɛ ń yó ɔ?
