ƝANMIƐN NDƐ’N NUN NINNGE KPAKPA WIE MUN | MATIE 4–5
Ɲanmiɛn ndɛ nga Zezi kɛnnin i oka’n su lɔ’n, i nun afɔtuɛ wie mun
?A si kɛ a di Ɲanmiɛn ninnge’m be yalɛ?
Kɛ be se kɛ ‘sran kun si kɛ ɔ di Ɲanmiɛn ninnge’m be yalɛ’n,’ i bo klikli’n yɛle kɛ “ɔ srɛsrɛ [Ɲanmiɛn] wawɛ’n.” (Mt 5:3) Ninnge nga e kwla yo be e kle kɛ e si kpa kɛ e di Ɲanmiɛn ninnge’m be yalɛ’n, be nun wie mun yɛ:
-
Biblu’n nun kannganlɛ cɛn kwlakwla.
-
Aɲia’m be siesielɛ nin be bo tranlɛ.
-
Sɛ e ɲan blɛ’n, maan e kanngan e fluwa mun nin ndɛ nga be o e ɛntɛnɛti lika’n nun’n, be nun.
-
E televiziɔn ng’ɔ o ɛntɛnɛti su’n, i nun ndɛ nga kɛ anglo kun ju’n ɔ fite’n, maan e nian.
?Ɲanmiɛn i sulɛ nun’n, ninnge nga n yo be titi’n, wafa sɛ yɛ n kwla yo be kpa n tra laa-ɔ?
