?NGUE TI YƐ Ɔ TI CINNJIN-ƆN?: Like nga Zoova m’ɔ ti e like klefuɛ dan’n kle e’n, ɔ leman wunsu. Ɔ kle e like naan dɔ nga su nin e ɲrun lɔ’n, y’a kwla di aklunjuɛ. I kwlaa sɔ nga Zoova kle e’n, e tanninmɛn i kalɛ. (Eza 11:6-9; 30:20, 21; Ngl 22:17) Kɛ Zoova kle e like’n, i sɔ’n uka e naan e kusu y’a kwla bo jasin fɛ’n y’a kle e wiengu mun.—2Ko 3:5.

?WAFA SƐ YƐ É YÓ I SƆ-Ɔ?

• Maan e yo wun ase kanfuɛ nin wɛtɛɛfuɛ.—Ju 25:8, 9

• Maan e kplin su kɛ Zoova kle e like dɔ nga su. Ɔ kwla yo junman wie mun mɔ e di i lemɔcuɛ afiɛn aɲia’n i bo.

• Maan e fa Ɲanmiɛn junman wie mun e sie e ɲrun kɛ é dí.—Fp 3:13

• Maan e kplin su kɛ be kle e like kpa ekun.—Fp 3:8

AN NIAN VIDEO NGA BE FLƐ I KƐ LIKE NGA ZOOVA KLE E’N E ƝAN SU YE DAN. YƐ AN TƐ KOSAN NGA’M BE SU:

• Kɛ ɔ ko yo naan b’a kwla tran Ɲanmiɛn Sielɛ’n i jasin bofuɛ’m be suklu’n i bo’n, jasin bofuɛ’m be jrannin sa wie’m be ɲrun kekle. ?Sa sɔ mun yɛle benin?

• ?Ngue like yɛ be nga be tran Ɲanmiɛn Sielɛ’n i jasin bofuɛ’m be suklu’n i bo’n, be suan-ɔn?

• ?Lika fanunfanun nga be fali aniaan sɔ’m be ɔli’n, wafa sɛ yɛ lɔ aniaan’m be suannin be bo-ɔ?

• ?Ngue yɛ ɔ fata kɛ e yo naan y’a kwla tran Ɲanmiɛn Sielɛ’n i jasin bofuɛ’m be suklu’n i bo-ɔ? kr-F 189)

• ?Zoova i anuannzɛ’n nun’n, ninnge benin ekun yɛ e kwla fa sie e ɲrun kɛ é yó-ɔ?