Kɛ ɔ fɛ i laa lele’n, mɛn siefuɛ’m be ukali Zoova i sufuɛ mun blɛ sunman. (Ɛd 6:1-12; Ɛt 8:10-13) Andɛ bɔbɔ’n, “asiɛ’n” mɔ yɛle mɛn nga nun ninnge mɔ be kleman e yalɛ’n, ɔ mɛn “nzue’n” mɔ yɛle yalɛ nga Suɛn tɔnfuɛ Satan kle e’n. Satan yɛ be flɛ i “dragɔn’n” niɔn. (Ngl 12:16) Ɔ ju wie’n, Zoova m’ɔ ti ‘Ɲanmiɛn mɔ maan e ɲan e ti’n,’ ɔ sin mɛn siefuɛ’m be lika de i sufuɛ mun.—Ju 68:21; Nya 21:1.

?Yɛ sɛ Ɲanmiɛn su mɔ amun lafi’n ti’n, be wla amun bisua nin? Maan amun si kɛ Zoova sásá amun. (Bo 39:21-23; Ju 105:17-20) Ɲanmiɛn su mɔ amun lafi’n ti’n, Zoova yrá amun su. Yɛ wafa nga amun jrannin kekle’n, ɔ́ wlá aniaan nga be o mɛn’n wunmuan’n nun’n, be fanngan.—Fp 1:12-14; Ngl 2:10.

AN NIAN VIDEO NGA BE FLƐ I KƐ BE YACILI ANIAAN NGA BE WLALI BE BISUA KORE LƆ’N, BE NUN WIE’M BE NUN. I SIN’N, AN TƐ KOSAN NGA’M BE SU:

• I afuɛ kaka yɛ’n, be wlali Kore di Sidi lɔ aniaan akpi kpanngban be bisua. ?Ngue ti-ɔ?

• ?Ngue ti yɛ jɔlɛ difuɛ’m be yacili e niaan’m be nun ndɛ nun-ɔn?

• Mɛn’n wunmuan’n nun’n, Ɲanmiɛn su mɔ e niaan’m be lafi’n ti’n, be wlali be nun wie’m be bisua. ?Wafa sɛ yɛ e kwla uka be-ɔ?

• ?Dɔ nga su mɔ e le atin e yo ninnge wie mun’n, ngue yɛ ɔ fata kɛ e yo-ɔ?

• ?Kɛ e kɔ jɔlɛ difuɛ’m be ja su mɔ be di e jɔlɛ klanman’n, wan ti yɛ i sɔ liɛ’n kwla yo ye-ɔ?