• Klɛ ɔ adrɛsi’n. Sɛ a bu kɛ i sɔ yolɛ timan ngwlɛlɛ ayeliɛ’n, a kwla klɛ Ɲanmiɛn Sielɛ sua’n i adrɛsi liɛ’n. Sanngɛ kwlaa naan w’a klɛ’n, ɔ fata kɛ asɔnun kpɛnngbɛn’m be man ɔ atin ka. Asa kusu’n, Ɔ FATAMAN KAAN SA kɛ a klɛ Betɛli’n i adrɛsi’n ɔ lɛtri’m be su.

• Sɛ a si sran’n i dunman’n klɛ. I liɛ’n sran’n su bumɛn i kɛ aata difuɛ wie yɛ ɔ su kan ninnge ng’ɔ yo be atɛ’n, i ndɛ-ɔ.

• Wafa nga be klɛ aniɛn kun’n ɔ le i su mmla wafawafa. Ɔ maan sɛ ɔ waan á klɛ́ lɛtri’n, ɔ fata kɛ a nanti mmla sɔ’m be su. Maan fluwa nga á fá klɛ́ lɛtri’n, ɔ yo sanwun yɛ maan ndɛ mma’m be fite kpa. Sɛ ɔ sa nun yɛ a klɛ lɛtri’n, klɛ i kpa naan sran’n kwla kanngan nun. Nán klɛ ndɛ’n kɛ a nin ɔ wiengu wie yɛ amun su di aɔwi sa-ɔ. Kusu’n, nán maan ɔ yo kɛ sran dan wie yɛ a su klɛ lɛtri ko mɛn i sa-ɔ.

Lɛtri ng’ɔ o yɛ’n kle e wafa nga e kwla yo sɔ’n. Sɛ ɔ waan á klɛ́ lɛtri kó mán sran kun amun jasin fɛ bowlɛ’n nun lɔ’n, ɔ fataman kɛ ndɛ ng’ɔ o lɛtri nga nun’n, i kunngba’n yɛ a klɛ i ɔ lɛtri’n nun wie-ɔ. Sanngɛ wafa nga be yo ninnge mun amun asa’n su lɔ’n, i su yɛ nian klɛ ɔ lɛtri’n niɔn.