LIKE NGA KLISIFUƐ’M BE YO’N
Kɛ é síesíe aja’n nán e nian mɛn nun ninnge yolɛ wafa’m be su
Klisifuɛ nga be waan bé já bla annzɛ bian’n, ajalɛ ng’ɔ fata kɛ be fa’n be sɔnnin. Ɔ ju wie’n, be kwla bu i kɛ ɔ fata kɛ be yo be aja’n i dan kɛ nga be tranwlɛ lɔfuɛ’m be fa yo’n sa. Sanngɛ ɔ le akunndan nga be janvuɛ nin be osufuɛ’m be bu i aja’n su-ɔ. Ɔ maan be janvuɛ nin be osufuɛ sɔ’m be kunndɛ kɛ ninnge nga be bɔbɔ be klo i’n yɛ be nga be su wa ja’n be yo-ɔ. Klisifuɛ ng’ɔ kunndɛ kɛ ɔ́ já bla annzɛ bian’n ɔ kloman kɛ i aja cɛn’n, ɔ yo i nsisɔ le naan i akunndan’n bu i fɔ. ?Biblu’n nun mmla benin mun yɛ be kwla ukɛ i-ɔ?
AN NIAN VIDEO NGA BE FLƐ I KƐ AJA M’Ɔ MANMAN ZOOVA’N. I SIN’N AN TƐ KOSAN NGA’M BE SU:
-
?Wafa sɛ yɛ Biblu’n nun ndɛ mma nga’m be ukali Niki nin Ziliana-ɔ?
-
?Ngue ti yɛ ɔ fata kɛ be nga be waan bé já bla annzɛ bian’n, be fa Klisifuɛ kun mɔ w’a tin Ɲanmiɛn sulɛ nun’n, naan ɔ yo be ‘aja’n i sunianfuɛ-ɔ’?—Zn 2:9, 10.
-
Be aja i siesielɛ nun’n, Niki nin Ziliana be fali ajalɛ wie mun. ?Ngue ti yɛ be fali ajalɛ sɔ mun-ɔn?
-
?Aja’n i siesielɛ nun’n, wan yɛ ɔ fata kɛ ɔ fa ajalɛ kasiɛn’n niɔn?—w06 1/11 19 § 10.