?Ngue ti yɛ ɔ fata kɛ e fa e wun e mantan be nga be klo Zoova’n niɔn? Ɔ fata kɛ e yo sɔ afin be nga e fa e wun e mantan be’n, be le ta e su. (Nya 13:20) Famiɛn Zɔasi i su ndɛ’n kle sɔ weiin. I nun m’ɔ fɛli i wun mantannin Zɛozada m’ɔ ti Ɲanmiɛn ɲrun jranfuɛ dan’n, ɔ yoli ‘sa nga be yo Zoova fɛ’n.’ (2Nyo 24:2) Sanngɛ kɛ Zɛozada wuli’n, Zɔasi wa kpɔcili Zoova. Afin ɔ fɛli i wun mantannin be nga be kloman Zoova’n.​—2Nyo 24:17-19.

Klisifuɛ klikli’m be blɛ su’n, akoto Pɔlu fali asɔnun’n sunnzunnin “awlo dan kun.” Yɛ ɔ fali asɔnun’n i nunfuɛ mun sunnzunnin “sɛ” annzɛ kpongbo mun. Kɛ e faman e wun e mantanman e osufuɛ annzɛ asɔnun’n i nunfuɛ nga be yoman Zoova i klun sa’n, e ka kɛ ‘sɛ nga be fa yo like ng’ɔ ti kpa’n sa’n.’ (2Ti 2:20, 21) I sɔ’n ti’n, maan e tra be nga be klo Zoova’n be janvuɛ. I liɛ’n, bé úka e naan y’a su Zoova titi.

AN NIAN VIDEO NGA BE FLƐ I KƐ MAAN E NIAN E WUN SU JANVUƐ TRALƐ NUN. I SIN’N AN TƐ KOSAN NGA’M BE SU:

• ?Ninnge benin mun yɛ be kwla yo naan y’a fa e wun y’a mantan be nga be yoman Zoova i klun sa’n niɔn?

• ?Video’n nun’n, ngue yɛ ɔ ukali aniaan nsan naan b’a kpɔci janvuɛ tɛ tranlɛ’n niɔn?

• ?Biblu’n nun afɔtuɛ benin mun yɛ be kwla uka e naan janvuɛ tralɛ nun’n, y’a fa ajalɛ kpa-ɔ?