?E ɲin su yiyilɛ nun’n, ngue ti yɛ ɔ fata kɛ e fa ajalɛ kpa-ɔ? Flimun nga e nian be’n nin miziki nga e tie’n nin video nun ngowa nga e kan’n annzɛ ninnge uflɛ nga e yo be’n, be le ta e su. I ti yɛ ɔ fata kɛ e nian e wun su be lika-ɔ. I ng’ɔ ti tɛ’n, yɛle kɛ ninnge nga Zoova kloman be’n, i dan lika yɛ sran’m be fa yiyi be ɲin su andɛ-ɔ. (Ju 11:5; Gal 5:19-21) I sɔ’n ti yɛ Biblu’n wla e fanngan kɛ e bu ninnge nga be manman Zoova’n be akunndan titi-ɔ.​—Fp 4:8.

AN NIAN VIDEO NGA BE FLƐ I KƐ ?BE ƝIN SU YIYILƐ BENIN YƐ Ń FÁ-Ɔ? I SIN’N, AN TƐ KOSAN NGA’M BE SU:

• Laa Rɔmun lɔ’n, sran’m be ngowa kanlɛ nun be yo nzaje sa. ?Wafa sɛ yɛ andɛ ngowa kanlɛ ninnge’m be yi nzuɛn sɔ’n i nglo-ɔ?

• ?Wafa sɛ yɛ asɔnun’n i nunfuɛ’m be kwla uka gbanflɛn nin talua mun naan be ɲin su yiyilɛ nun’n, b’a fa ajalɛ kpa-ɔ?

• ?Wafa sɛ yɛ ndɛ ng’ɔ o Rɔmunfuɛ Mun 12:9 nun’n, kwla uka e naan e ɲin su yiyilɛ nun’n y’a fa ajalɛ kpa-ɔ?

• Be ɲin su yiyilɛ nga be ti kpa e asa’n su wa’n, an bo wie su.