Afuɛ 2016 nun Zanvie anglo nun’n, ndɛ akpasua uflɛuflɛ kun fiteli Sasafuɛ Tranwlɛ’n i sin bui su. Ɔ suan: “?Ndɛ benin yɛ Biblu’n kan ɔn?” Ndɛ akpasua uflɛuflɛ sɔ’n wá úka e naan e nin sran mun y’a kwla bo Biblu’n nun ndɛ’m be su yalɛ kokolɛ bo. Be siesieli i nun ndɛ mun kɛ e fluwa nɲa’m be nun ndɛ mun sa. Be klɛli kosan kun mɔ maan sran’n kwla kɛn i klun ndɛ ɔ. Kpɛkun be klɛli Biblu’n nun ndɛ mma ng’ɔ tɛ kosan sɔ’n su, ɔ nin ndɛ wie mun ekun mɔ e nin sran’n e kwla koko su yalɛ’n.

Kɛ e nin sran kun e koko Ɲanmiɛn Ndɛ’n su yalɛ klanman’n, ɔ kwla yo maan e nin i e suan Biblu’n nun like. Maan e fa ndɛ akpasua uflɛuflɛ sɔ’n e uka be nga be konvi sɔ Ɲanmiɛn nuan ndɛ’n.—Mt 5:6.

1. Fa kosan’m be nun kun usa sran’n.

2. Sie ɔ su tie ndɛ ng’ɔ kan’n yɛ kle kɛ a wun i ndɛ’n i wlɛ.

3. Kanngan Biblu’n nun ndɛ mma ng’ɔ o ndɛ akpasua “Ndɛ nga Biblu’n kan’n” i bo lɛ’n nun. Kpɛkun usɛ i i su kosan naan ɔ kɛn i klun ndɛ. Sɛ sran’n le blɛ’n, ndɛ nga be o ndɛ akpasua “?Ngue ekun yɛ Biblu’n kle e ɔ?” i bo lɛ’n, a nin i be koko be nun kun su yalɛ.

4. Fa periodiki’n man sran’n.

5. Like nga á yó naan w’a ko niɛn i osu naan amun a koko kosan nɲɔn su’n i su yalɛ’n, yo.