Like cinnjin kpa kun ti yɛ Zakɔbu nin anzi kun be kplili-ɔ. Yɛle kɛ ɔ kunndɛli kɛ Zoova yrɛ i su. (Bo 32:25-32; Oz 12:4, 5) ?Yɛ e li? ?E kwla mian e ɲin yo Zoova i klun sa naan ɔ yra e su? ?Sɛ be man e atin kɛ e tran aɲia’m be bo annzɛ e di junman tra dɔ su’n, ngue yɛ é yó-ɔ? Kɛ e fa e blɛ’n nin e wunmiɛn’n ɔ nin e sa nun ninnge mun e su Zoova’n, i kusu ɔ ‘man e ninnge kpakpa lele ɔ bobo su.’ (Ml 3:10) Asa’n, ɔ́ klé e atin, ɔ́ sásá e yɛ ɔ́ fá ninnge nga e sa mian be wun’n mán e.​—Mt 6:33; Ebr 13:5.

AN NIAN VIDEO’N NGA BE FLƐ I KƐ MAAN E ƝIN TRAN NINNGE NGA E WAAN É YÓ BE ƝANMIƐN SULƐ NUN’N BE SU. I SIN’N AN TƐ KOSAN NGA’M BE SU:

• ?Wafa sɛ yɛ like nga aniaan bla’n klo i’n, ɔ tɛnndɛnnin i ɲrun-ɔn?

• ?Wafa sɛ yɛ junman nga e di’n kwla tanndan e ɲrun-ɔn?

• ?Kannzɛ bɔbɔ Timote i ɲin wa ti Ɲanmiɛn sulɛ nun’n, sanngɛ ngue ti yɛ ɔ fata kɛ ɔ miɛn i ɲin naan i ɲin tran ninnge nga i waan ɔ́ yó be Ɲanmiɛn sulɛ nun’n be su-ɔ?​—1Ti 4:16

• ?Junman benin yɛ ɔ ti e cinnjin-ɔn? ?Yɛ ngue yɛ e yo kle sɔ-ɔ?