ƝANMIƐN NDƐ’N NUN NINNGE KPAKPA WIE MUN | EZAI 17–23
Kɛ sran kun fɛ i kwlalɛ’n yo like ng’ɔ timɛn i su’n, kwlalɛ’n fi i sa
Sɛbna ti like su nianfuɛ. I yɛ ɔ ti famiɛn’n i “awlo’n su kpɛn’n” niɔn. Atrɛkpa’n, Famiɛn Ezekiasi i awlo’n su kpɛn’n niɔn. Sɛ famiɛn’n nunman lɛ’n i yɛ ɔ o lɛ-ɔ. I sɔ’n ti’n, be fali junman kaka wlɛli i sa nun.
-
Ɔ fata kɛ Sɛbna nian Zoova i sufuɛ’m be lika.
-
Like ng’ɔ ko yo naan i dunman’n w’a fu kpa’n yɛ ɔ yoli-ɔ.
-
Zoova fali Eliakimun sieli i Sɛbna osu.
-
Zoova fali “Davidi i awlo’n i lakle’n” mannin Eliakimun. Yɛle kɛ ɔ mɛnnin i sasu nin kwlalɛ.
Bu kosan yɛ’n i akunndan: ?Ngue like yɛ sɛ ɔ ti kɛ Sɛbna fɛli i kwlalɛ’n yoli mannin sran mun’n nn ɔ ti kpa-ɔ?
