?Amun le afuɛ 23 lele fa ju afuɛ 65 yɛ amun ti blɛ kwlaa nun Ɲanmiɛn junman difuɛ? ?Amun ti sran kun m’ɔ tɔman tukpacɛ tikatika yɛ amun kwla kɔ kan be mian jasin bofuɛ’m be wun lɔ’n? ?Sɛ ɔ ti sɔ’n, amun a bu Ɲanmiɛn i Famiɛn Dilɛ’n i jasin bofuɛ’m be suklu’n i dilɛ’n i akunndan le? Kɛ ɔ fɛ i i bo bolɛ nun lele andɛ’n, aniaan akpi kpanngban be di suklu sɔ’n. Suklu sɔ’n ti be nga b’a ja’n nin be nga be nin-a jaman bian annzɛ bla’n be liɛ. Sanngɛ aniaan nga e mian be wun kpa’n yɛle be nga be nin-a jaman bla’n. I ti’n, srɛ Zoova kpa naan ɔ uka wɔ naan w’a kwla yo i klun sa’n, naan kusu w’a kwla niɛn i Wa’n i ajalɛ’n su. (Ju 40:9; Mt 20:28; Ebr 10:7) I sin’n, bu like nga a kwla yo naan w’a di suklu sɔ’n wie’n i akunndan.

?Kɛ aniaan’m be wie suklu sɔ’n i di’n nin yɛ be fa be kɔ-ɔ? Be fa wie’m be kɔ kan be kan aniɛn uflɛ lɔ’n. Yɛ wie’m be kusu be fa be kɔ klɔ dandan’m be su naan be bo jasin fɛ’n nzra nun. Kɛ ɔ́ kɔ́ i ɲrun’n, be sie wie mun akpasua sunianfuɛ i janunfuɛ annzɛ akpasua sunianfuɛ annzɛ kusu ngaliɛ difuɛ. Kɛ á bú junman nga a kwla di i Zoova i anuannzɛ’n nun’n i akunndan’n, maan ɔ ɲin tran ndɛ nga Ɲanmiɛn nuan ijɔfuɛ Ezai kannin’n su. Ɔ seli kɛ: “Min-ɔn, sunman min.”—Eza 6:8.

AN NIAN VIDEO NGA BE FLƐ I KƐ NGALIƐ DIFUƐ’M BE MIAN BE ƝIN BE BO JASIN FƐ’N KPA. I SIN’N, AN TƐ KOSAN NGA’M BE SU:

• ?Wafa sɛ yɛ be sie aniaan wie mun ngaliɛ difuɛ-ɔ?

• ?Junman benin yɛ ngaliɛ difuɛ’m be di-ɔ?

• ?Ye benin yɛ ngaliɛ difuɛ’m be ɲɛn i-ɔ?