Kɛ mɛn’n i awieliɛ mántan koko’n, e si kɛ sa kekleekle’m bé yó dan. Sa sɔ’m be nun wie yɛle nzaje sa mun nin kakawlonga sa mun ɔ nin alɛ’n. (Ngl 6:4). ?É yó sɛ naan e ɲrun lɔ’n y’a jran sa sɔ’m be ɲrun kekle?

• Maan e nin Ɲanmiɛn e afiɛn mantan kpa: Biblu’n nun mmla nin Biblu’n nun ndɛ nga be kwla uka e naan y’a lafi Zoova nin i anuannzɛ’n be su’n naan kusu y’a faman e wun y’a wlɛmɛn i ninnge sɔ’m be nun’n, maan e bu be akunndan e sie. (Nya 12:5; jr-F 125-126 § 23-24) Dɔ nga su yɛ ɔ fata kɛ e tra janvuɛ kpa asɔnun’n nun-ɔn.—1Pi 4:7, 8

• Maan e buabua e wun e sie: Maan e kunndɛ fiawlɛ kun awlo lɔ yɛ e kunndɛ aliɛ e sie e sin. Sɛ ɔ fata kɛ e wanndi’n maan e bu lika nga é kɔ́’n i akunndan e sie. Maan e nian sɛ like kwlaa o pata nga é fá wánndi’n nun-o. Asa’n maan e kunndɛ e wun sasalɛ ninnge wie mun nin sika kan e sie. Maan e fa asɔnun kpɛnngbɛn’m be nimielo mun yɛ e fa e liɛ’n e man be.—Eza 32:2; g17.5-F 3-7

Kɛ sran’m be jaso awa’n i wun’n maan e srɛ Ɲanmiɛn titi, e suan Biblu’n nun like yɛ e wɔ aɲia’m be bo titi. (Fp 1:10) Sɛ ɔ timan cinnjin kɛ e fite’n, maan e ka kan e o lɛ’n. (Mt 10:16) Sɛ ɔ ti aliɛ-o annzɛ like uflɛ-o maan e man e wiengu’m be wie.—Rɔm 12:13.

AN NIAN VIDEO NGA BE FLƐ I KƐ ?AMUN KWLA JRAN ƝRƐNNƐN SA’M BE ƝRUN KEKLE? I SIN’N, AN TƐ KOSAN NGA’M BE SU:

• ?Wafa sɛ yɛ Zoova kwla uka e blɛ kekle nun-ɔn?

• ?Kwlaa naan sa kekle kun w’a ju’n ngue yɛ ɔ fata kɛ e yo-ɔ?

• ?Ngue yɛ e kwla yo e uka be nga sanvuɛsa tɔli be su’n niɔn?