Kɛ Zezi bó jasin fɛ’n sa nga be ju’n su yɛ ɔ jran kle sran’m be like-ɔ. (Lik 13:1-5) E kusu jasin fɛ bolɛ nun’n, e kwla yo sɔ wie. I liɛ’n sran’m bé fá be ɲin bé síe i ndɛ nga é kán’n su. E kwla kan mɛn’n mɔ w’a yo kekle’n, sanvuɛsa, sa kekleekle nga sran’m be yo be’n, drɔgi annzɛ like uflɛ ndɛ. I sin’n maan e usa sran’n i kosan naan ɔ kɛn i klun ndɛ. E kwla usɛ i kɛ: “?A bu i kɛ sa sɔ’n wíe?” annzɛ “?Ngue yɛ e kwla yo naan y’a wun sa sɔ’n i trawlɛ-ɔ?” I sin’n, maan e kanngan Biblu’n nun ndɛ mma kun m’ɔ kan sa sɔ’n i ndɛ nun e kle sran’n. Sɛ sran’n kle kɛ ndɛ’n yo i fɛ’n maan e bo video kun annzɛ e fa fluwa kun e Like Klelɛ Ninnge’m be Siewlɛ nun mɛn i. ‘Maan e yo like kwlaa jasin fɛ’n ti.’ I liɛ’n ndɛ nga é kán’n ɔ́ kán be nga be o e jasin bowlɛ’n nun’n be awlɛn’n.—1Ko 9:22, 23.

?Amun jasin bowlɛ’n nun lɔ’n ndɛ benin yɛ ɔ ti sran’m be cinnjin-ɔn?