Kɛ mɔ e ti klɔ sran’n ti’n ɔ fata kɛ e nian e wun su titi naan e konvi w’a sɔman sa tɛ’n. Sanngɛ sɛ e yo like nga e klo’n, Zoova i klun su jɔman e wun. Sran wie’m be klo aliɛ dilɛ, be wun wlawlalɛ annzɛ aɲanbeun ninnge’m be kunndɛlɛ dan tra Ɲanmiɛn. Wie’m be liɛ’n be nianman Ɲanmiɛn i mmla’m be su nantiman, sanngɛ bian nin bla kunndɛlɛ sukusuku’n yɛ ɔ ti be cinnjin-ɔn. (Rɔm 1:26, 27). Wie’m be kusu kɛ mɔ be kunndɛ kɛ be wiengu’m be klo be’n ti’n, be yo like ng’ɔ ti tɛ’n.—Tul 23:2.

?Ngue yɛ e kwla yo naan y’a nian e wun su-ɔ? Ɔ fata kɛ e mian e ɲin naan e yo ninnge nga be jɔ Zoova klun’n. (Mt 4:4) Asa’n ɔ fata kɛ e srɛ Zoova kɛ ɔ uka e naan e jran ninnge sɔ’m be ɲrun kekle. Afin ɔ si like ng’ɔ ti kpa man e’n yɛ ɔ si like ng’ɔ́ yó naan y’a ɲan ninnge nga e awlɛn o su’n.—Ju 145:16.

AN NIAN VIDEO NGA BE FLƐ I KƐ NÁN YACI SIKLƐTI’N LƐ NAAN Ɔ SACI WƆ. I SIN’N, AN TƐ KOSAN NGA’M BE SU:

• ?Ngue ti yɛ sran wie’m be nɔn siklɛti-ɔ?

• ?Sɛ e nɔn siklɛti’n, sa benin yɛ ɔ kwla ju e su-ɔ?

• ?Ngue ti yɛ siklɛti nɔnlɛ’n ti like tɛ-ɔ?—2Ko 7:1

• ?Ngue yɛ e kwla yo naan y’a nɔnman siklɛti-ɔ? ?Sɛ e nɔn siklɛti’n, ngue yɛ e kwla yo naan y’a yaci i nɔnlɛ-ɔ?