LIKE NGA KLISIFUƐ’M BE YO’N
Zoova ti “be nga be leman si’n be si”
Afuɛ kwlakwla’n, gbanflɛn nin talua kpanngban be kaci Zoova i janvuɛ. (Ju 110:3) Amun tinuntinun amun ndɛ lo Zoova kpa. Ɔ wun amun su sa’m be wlɛ yɛ ɔ ta amun nda kɛ ɔ́ úka amun naan amun-a kwla su i. Sɛ amun si annzɛ amun nin ngunmin yɛ ɔ tali amun’n, maan ɔ tran amun klun titi kɛ Zoova ti “be nga be leman si’n be si.” (Ju 68:5) Kannzɛ sa ng’ɔ o amun su awlo lɔ’n ti sɛ ti sɛ’n, sanngɛ like nga Zoova kle amun’n kwla uka amun naan amun-a jran kekle.—1Pi 5:10.
AN NIAN VIDEO NGA BE FLƐ I KƐ MAAN E MIAN E ƝIN NAAN E ƝAN E ƝANMIƐN SULAFILƐ’N I SU YE—BE NGA BE SI ANNZƐ BE NIN NGUNMIN YƐ Ɔ TA BE’N. I SIN’N, AN TƐ KOSAN NGA’M BE SU:
-
?Ngue yɛ Tamin, Sali, nin Jimin be su ndɛ’n kle wɔ-ɔ?
-
?Ngue yɛ ndɛ ng’ɔ o Jue Mun 27:10 nun’n kle be nga be si annzɛ be nin ngunmin yɛ ɔ tali be’n mun-ɔn?
