LIKE NGA KLISIFUƐ’M BE YO’N
“Mɛn’n i awieliɛ blɛ” nga nun’n maan e buabua e wun e sie
“Mɛn’n i awieliɛ blɛ” nga nun’n lika’n yó kekle kɔ́ i ɲrun. (2Ti 3:1; Mt 24:8) Blɛ wie nun’n kɛ sanvuɛsa tɔ Zoova i sufuɛ’m be su’n be kle be ajalɛ wie mun. Sɛ e waan é fíte nun’n ɔ fata kɛ dɔ nga su’n e fa e wun e mantan Ɲanmiɛn yɛ e buabua e wun e sie.—Lik 16:10.
-
Maan e fa e wun e mantan Ɲanmiɛn: Maan e kanngan Biblu’n nun cɛn kwlaa yɛ e ngunmin e suan Biblu’n nun like awlo lɔ. E bo jasin fɛ’n wafawafa kwlaa. Sɛ sa wie ti’n e nin e niaan mun e kwlá yiaman likawlɛ’n, nán maan e sa sin bubu e. (Eza 30:15) Zoova nin Zezi be nin e o nun.—od-F 176-177 § 15-17
-
Maan e buabua e wun e sie: Maan awlobo kwlaa i nunfuɛ’m be fa aliɛ, nzue, ayre ɔ nin ninnge uflɛ wie’m be sie pata kun nun. I liɛ’n blɛ kekle nun’n be kwla fa ti be wun ɲanman nun.—Nya 22:3; g17.5-F 4, 6
AN NIAN VIDEO NGA BE FLƐ I KƐ ?AMUN KWLA JRAN ƝRƐNNƐN SA’M BE ƝRUN KEKLE? I SIN’N, AN TƐ KOSAN NGA’M BE SU:
-
?Ka naan sanvuɛsa kun w’a ju’n ngue yɛ e kwla yo naan y’a wla e Ɲanmiɛn sulafilɛ’n i bo ase kpa-ɔ?
-
?Ngue ti yɛ ɔ ti cinnjin kɛ...
-
e nin asɔnun kpɛnngbɛn mun e koko yialɛ tikatika-ɔ?
-
e fa ninnge nga be kwla uka e blɛ sɔ’n nun’n e sie-ɔ?
-
e koko sanvuɛsa nga be kwla ju e asa’n su’n ɔ nin like nga e kwla yo i blɛ sɔ’n nun’n be su yalɛ-ɔ?
-
-
?Ninnge nsan benin yɛ e kwla yo be naan y’a uka be nga sanvuɛsa tɔ be su mun-ɔn?
USA Ɔ WUN KƐ: ‘?Min wun siesielɛ nun’n ngue yɛ tukpacɛ nga be flɛ i kɛ koronavirisi’n (COVID-19) ɔ kle min-ɔn?’