ƝANMIƐN NDƐ’N NUN NINNGE KPAKPA WIE MUN | ZƆB 1-5
Blɛ kekle nun’n, Zɔbu nantili seiin
Zɔbu trannin Iz lɔ. Blɛ sɔ’n nun nn Izraɛlifuɛ’m be ti kanga Ezipti lɔ. Kannzɛ bɔbɔ Zɔbu timan Izraɛlifuɛ’n, sanngɛ ɔ suli Zoova nanwlɛ su. I awlobo’n cɛnnin kpa, ɔ ɲannin aɲanbeun ninnge kaka yɛ ɔ ɲannin ɲrun i asa’n su lɔ’n. Ɔ yoli afɔtuɛ manfuɛ kpa yɛ ɔ yoli jɔlɛ difuɛ nanwlɛfuɛ. Ɔ yoli yalɛfuɛ mun nin be nga be leman like’n, be ye. Zɔbu nantili seiin titi.
Zɔbu kleli weiin kɛ Zoova yɛ ɔ ti i sran cinnjin kpafuɛ’n niɔn.
-
Satan wunnin kɛ Zɔbu nanti seiin’n. W’a siman Zɔbu i ɲin m’ɔ yi Zoova’n, i su akplowa. Sanngɛ, like nga ti yɛ Zɔbu i ɲin yi Zoova’n, i su akplowa yɛ ɔ sili ɔ.
-
Satan waan ninnge nga Zɔbu ɲɛn i Zoova i sulɛ’n nun’n, i ti yɛ ɔ su Zoova ɔ.
-
Kɛ ɔ ko yo naan ndɛ’n i ti w’a kpɛ’n, Zoova mannin Satan i atin kɛ ɔ fa sa yi sran ndɛnmanfuɛ sɔ’n su. Ninnge nga Zɔbu le i’n, Satan sacili be kwlaa kpan yɛ yoli i like yaya.
-
Kɛ Zɔbu nantili seiin’n, sran’m be kwlaa nga be nanti seiin’n, Satan sili sa nga ti yɛ be nanti seiin’n i su akplowa.
-
Zɔb w’a yoman sa tɛ fi, yɛ i nuan w’a toman Ɲanmiɛn.
