Davidi lafili Zoova su afin ɔ si i, yɛ ɔ si ninnge ng’ɔ yoli mɛnnin i’n. (1Sa 17:36, 37; wp16.5-F 11 § 2-3)

Davidi w’a fɛmɛn i wun w’a sunnzunman Goliati sanngɛ ɔ fɛli i sunnzunnin Zoova. (1Sa 17:45-47; wp16.5-F 11-12)

Zoova yoli maan Davidi kwlali Izraɛlifuɛ’m be kpɔfuɛ kun m’ɔ yo sro’n. (1Sa 17:48-50; wp16.5-F 12 § 4; An nian foto ng’ɔ o fluwa’n i bui’n su’n.)

Ɔ ju wie’n ɔ fata kɛ e mian e ɲin e jran ninnge wie’m be ɲrun kekle. I wie yɛle yalɛ klelɛ’n annzɛ nzuɛn tɛ wie m’ɔ fata kɛ e wlɛ i ase’n. Sɛ ɔ yo e kɛ e su sa’m be tra e kpɛn’n, nán e wla fi su kɛ Zoova m’ɔ le kwlalɛ dan’n i ɲrun’n sa sɔ’m be timan like fi. —Zb 42:1, 2.