Video nga e fa kle sran’m be Biblu’n nun like’n be ti nnan. ?Junman trele benin yɛ be tinuntinun be di-ɔ?

• ?Ngue ti yɛ Biblu’n nun like suanlɛ’n ti cinnjin-ɔn?—Tɛnndɛnfuɛ’n. Ɔ uka sran wafa kwlaa. Kannzɛ bɔbɔ sran’n wo ɲanmiɛn sulɛ wafa kun nun’n ɔ kwla ukɛ i naan w’a kunndɛ kɛ ɔ́ sí Biblu’n nun ndɛ’n i kpa. Ɔ uka be nga be kunndɛ kɛ bé sí kosan cinnjin nga sran’m be fa usa be wun’n be su tɛlɛ’n. Asa’n, ɔ kle like nga sran kun kwla yo naan b’a kle i Biblu’n nun like’n.

• ?Ngue ti yɛ Biblu’n nun like suanlɛ’n ti cinnjin-ɔn? (Tikafuɛ’n) Ɔ ti tɛnndɛn’n i bue kan. Lika nga sran’m be leman blɛ’n e kwla fa uka be kpa.

• ?Wafa sɛ yɛ e kle sran’m be Biblu’n nun like ɔ? Ɔ uka sran mun naan b’a klo kɛ bé súan Biblu’n nun like yɛ ɔ tɛ kosan nga sran’m be fa usa be wun’n be nun wie’m be su. Kpɛkun ɔ kle like nga sran kun kwla yo naan b’a kle i Biblu’n nun like’n.

• Mo nin Biblu’n nun like suanlɛ’n i bo bolɛ. E bo video sɔ’n e kle be nga e kle be Biblu’n nun like’n. Kannzɛ ɔ o fluwa A kwla di aklunjɔɛ tititi! i bue nɲɔn su’n su’n, sanngɛ kɛ é fá fluwa pɛplɛpɛ A kwla di aklunjɔɛ tititi! é klé sran’n i like’n e kwla bo e kle i wie. Ɔ kan like ng’ɔ o fluwa nun’n nin like nga sran’n wá súan’n be ndɛ.

Kannzɛ ɔ le video kun nin i junman trele kun m’ɔ di’n, sanngɛ e kwla fa ko man sran’m be pɔɔtablu’n suannzɛ e kwla bo e kle be blɛ ng’ɔ nin i fata’n nun. Ɔ fata kɛ jasin bofuɛ’m be kwlaa be si video sɔ’m be nun junman di kpa. I liɛ’n, bé kwlá fá bó jasin fɛ’n i kpa.