Zoova ‘di aklunjuɛ’ yɛ ɔ kunndɛ kɛ e kusu e di aklunjuɛ jasin fɛ bolɛ’n nun. (1Ti 1:11) Sɛ e mian e ɲin naan e si i bo kpa’n, é dí aklunjuɛ. Kɛ e usa sran’m be kosan’n, i sɔ’n yo maan be fa be ɲin be sie i ndɛ nga e waan é kán’n su yɛ e nin be e kwla bo yalɛ kokolɛ bo klanman. Asa’n, ɔ yo maan be bu akunndan yɛ be kan be klun ndɛ. (Mt 22:41-45) Kɛ e usa sran’m be kosan mɔ e sie e su e tie be ndɛ liɛ’n e kle kɛ be ndɛ lo e. (Zak 1:19) Asa’n kɛ e yo sɔ’n wafa nga sran’n tɛ e su’n, ɔ uka e naan y’a si ndɛ ng’ɔ fata kɛ e kan’n.

AN NIAN VIDEO NGA BE FLƐ I KƐ MAAN E SI LIKE KLE KPA NAAN Y’A DI AKLUNJUƐ SRAN’M BE LIKE KLELƐ’N NUN: MAAN E USA SRAN’M BE KOSAN. I SIN’N, AN TƐ KOSAN NGA’M BE SU:

• ?Nzuɛn kpa benin yɛ Jadi yili be nglo-ɔ?

• ?Wafa sɛ yɛ Neta kleli kɛ Jadi ndɛ lo i-ɔ?

• ?Wafa sɛ yɛ Neta usali kosan naan Jadi w’a fɛ i ɲin w’a sie i jasin fɛ’n su kpa-ɔ?

• ?Wafa sɛ yɛ Neta usali kosan naan Jadi w’a bu ndɛ’n i sin kpa-ɔ?