Bla kpa’n yo maan be bu i wun’n i sran. Famiɛn Lɛmuɛli blɛ su’n, yasua ng’ɔ le bla kpa’n “klɔ’n su kpɛnngbɛn’m be nun, i wun’n lɛ nyrun.” (Nya 31:23) Andɛ’n, yasua wie’m be ti asɔnun kpɛnngbɛn nin asɔnunfuɛ’m be lika nianfuɛ yɛ sran’m be ɲin yi be. Sɛ b’a ja bla’n, wafa nga be yi’m be nzuɛn’n ti’n, ɔ nin wafa nga be fa suan be bo’n, yɛ maan be kwla di be junman’n niɔn. (1Ti 3:4, 11) Bla kpa sɔ mun’n, nán be wun’m be ngunmin yɛ be klo be ɔ, asɔnun nunfuɛ’m be klo be wie.

• ɔ kan ndɛ fɛfɛ mun fa wlɛ i fanngan.—Nya 31:26

• aklunjuɛ su’n, ɔ klo kɛ i wun’n fɛ i blɛ uka asɔnun’n nunfuɛ mun.—1Tɛ 2:7, 8

• i ɲin nunman ninnge dandan’m be su.—1Ti 6:8

• asɔnun’n nun ndɛ ng’ɔ fataman kɛ sran ti nun’n, ɔ usɛmɛn i su kosan.—1Ti 2:11,12; 1P 4:15