Kɛ ɔ fɛ i laa lele andɛ’n, Zoova i sufuɛ’m be yoli abonuan sa wie mun. Nán be bɔbɔ be wunmiɛn’n ti yɛ be kwla yoli sɔ-ɔ. Sanngɛ Zoova ti yɛ be kwla yoli ninnge kwlaa sɔ mun-ɔn. Afuɛ 1954 nun’n Zoova i anuannzɛ’n yili flimun kun. Be flɛ i kɛ Zoova i anuannzɛ’n su di junman kpa. Be nga be yili flimun sɔ’n be di junman Betɛli yɛ kusu nán kɛ be si flimun yi ti-ɔ. Zoova i wawɛ’n ti yɛ be kwla dili junman kekle kpa sɔ’n niɔn. I sɔ’n kle e kɛ sɛ e lafi Zoova su’n junman kwlaa nga be fa man e’n é kwlɛ́ i dí. —Zkr 4:6.

AN NIAN VIDEO NGA BE FLƐ I KƐ “ZOOVA I ANUANNZƐ’N SU DI JUNMAN KPA” I SIN’N, AN TƐ KOSAN NGA’M BE SU:

• ?Ngue ti yɛ be yili anuannzɛ’n i bo bia’n i su flimun-ɔn?

• ?Wafa sɛ yɛ flimun’n kle kɛ Betɛli’n ti kɛ klɔ sran’n i wunnɛn’n i likalika mun sa-ɔ?—1Ko 12:14-20

• ?Kɛ aniaan’m bé yí flimun’n ngue yɛ ɔ kleli be yalɛ-ɔ? ?Yɛ ngue yɛ be yoli-ɔ?

• ?Ngue yɛ sa sɔ’n kle e Zoova i wawɛ’n su-ɔ?