Kɛ e srɛ Zoova kɛ ɔ nin i fata’n sa’n ɔ ti kɛ ansan fanninfannin nga be yra mɛn i i sua’n nun lɔ’n sa. (Ju 141:2) Kɛ e kle e Si m’ɔ o ɲanmiɛn su lɔ’n kɛ e klo i naan e si ye mɔ e kan sa nga be o e su’n i ndɛ e kle i’n e kle kɛ e bu janvuɛ mɔ e nin i e ti’n i like cinnjin. Asa’n, kɛ e kan ninnge nga e kunndɛ kɛ ɔ yo man e’n be ndɛ kle i mɔ e se i kɛ ɔ kle e atin’n, e kle kɛ e janvuɛ tralɛ’n ti e cinnjin wie. Asa ekun’n, Zoova bu srɛlɛ nga e srɛ i aɲia’m be bo’n i like cinnjin kpa. Sanngɛ kɛ e fa blɛ e srɛ Zoova mɔ e kan e klun ndɛ nin wafa nga e wun yo e’n be ndɛ e kle i’n i sɔ’n yo i fɛ kpa.—Ɲan 15:8.

A NIAN VIDEO NGA BE FLƐ I KƐ ƝANMIƐN SRƐLƐ’N TI MIN CINNJIN KPA. I SIN’N, AN TƐ KOSAN NGA’M BE SU:

• ?Junman benin yɛ aniaan bian Jɔnunsɔnun dili i Zoova i anuannzɛ’n nun-ɔn?

• ?Wafa sɛ yɛ aniaan bian Jɔnunsɔnun kleli kɛ ɔ lafi Zoova su-ɔ?

• ?Ngue yɛ aniaan bian Jɔnunsɔnun i su ndɛ’n kle e-ɔ?