LIKE NGA KLISIFUƐ’M BE YO’N
Like ng’ɔ kwla uka e naan y’a tuman like ng’ɔ fata kɛ e yo’n y’a siemɛn i siɛn’n
Sran wie’m be yoman like ng’ɔ fata kɛ be yo’n be ja nun lɛ, be tu be sie i siɛn. Sanngɛ Zei liɛ’n w’a yoman sɔ. Kɛ Zoova seli i kɛ ɔ kun Akabu i awlo’n nunfuɛ mun’n w’a sisimɛn i bo i sɔ yolɛ’n nun. (2Fa 9:6, 7, 16) Sran wie’m be se kɛ: “Atrɛkpa’n afuɛ nɲɔn nga bé bá lɛ nun’n ń fá min wun ń mán Zoova naan be yo min batɛmun.” “Ń má kánngan Biblu’n nun cɛn kwlaa.” “Sɛ n ɲan junman kpa kun’n ń káci atin bofuɛ.” Biblu’n nun ndɛ’n kwla uka e naan Zoova i sulɛ’n nun’n y’a tuman ninnge wie m’ɔ fata kɛ e yo be’n y’a sieman be siɛn.
?Wafa sɛ yɛ Biblu’n nun ndɛ mma nga’m be kwla uka e i sɔ yolɛ’n nun-ɔn?
