Aniaan’m be mian be ɲin kpa naan b’a kwla yo ninnge wie mun Zoova i sulɛ’n nun. Ninnge sɔ’m be nun wie yɛle titi atin bolɛ junman’n, Betɛli lɔ junman dilɛ’n ɔ nin Ɲanmiɛn Sulɛ Sua’m be kplanlɛ’n. Asa’n, aniaan bian’m be di junman wie mun asɔnun’n nun. (1Ti 3:1) ?Sanngɛ i sɔ’n kle kɛ ɔ fata kɛ Klisifuɛ’m be kunndɛ aɲrunɲan?

AN NIAN VIDEO NGA BE FLƐ I KƐ ?NGUE TI YƐ Ɔ FATA KƐ E BU NINNGE WIE’M BE YOLƐ AKUNNDAN-ƆN? (1TI 3:1) I SIN’N, AN TƐ KOSAN NGA’M BE SU:

?Wafa sɛ yɛ Biblu’n nun ndɛ mma nga’m be uka e naan y’a wun ninnge nsan nga ti yɛ ɔ fata kɛ e bu ninnge wie’m be yolɛ akunndan-ɔn?

• Mat 5:14-16

• 1Ti 4:15

• Ebr 5:14–6:1