Kɛ ɔ ko yo naan be nga be kpinngbin be wun’n be sa w’a kpɔnzɔman be junman’n i dilɛ nun’n, ɔ fata kɛ be kpinngbin be wun titi. I wafa kunngba’n, ɔ fata kɛ e mian e ɲin kpa naan y’a si sa kpa’n nin sa tɛ’n be ngbaciɛ’n titi. (Ebr 5:14) Kannzɛ ɔ ju wie’n e nian sran uflɛ i ajalɛ liɛ’n su yɛ e fa e liɛ’n, sanngɛ ɔ fata kɛ e bɔbɔ e bu akunndan naan e fa e tiaun ajalɛ. ?Ngue ti-ɔ? Afin e tinuntinun é wá kán sa nga e yoli be’n be su ndɛ é klé Ɲanmiɛn.—Rɔm 14:12.

Nán e bu i kɛ, kɛ mɔ be yoli e batɛmun w’a cɛ’n ti’n ajalɛ nga é fá be’n, be bo gúa kpa. Kɛ ɔ ko yo naan y’a fa ajalɛ kpa’n, ɔ fata kɛ e fa e wla kwlaa guɛ i Zoova su. Asa’n ɔ fata kɛ e lafi i nuan Ndɛ’n nin i anuannzɛ’n be su.—Zoz 1:7, 8; Nya 3:5, 6; Mt 24:45.

AN NIAN VIDEO NGA BE FLƐ I KƐ “NÁN E YO SA NGA I SIN’N E AKUNNDAN’N BÚ E FƆ’N” I SIN’N, AN TƐ KOSAN NGA’M BE SU:

• ?Ajalɛ cinnjin benin yɛ ɔ fata kɛ Ema fa-ɔ?

• ?Ngue ti yɛ ajalɛ wie’m be falɛ nun’n, ɔ fataman kɛ e se sran kun kɛ san fii e ndɛ liɛ nga e kan’n i su yɛ ɔ nanti-ɔ?

• ?Afɔtuɛ kpa benin yɛ aniaan bian kun nin i yi be mannin Ema-ɔ?

• ?Nin yɛ Ema kunndɛli sa ng’ɔ o i su’n i su like-ɔ?