MIAN Ɔ ƝIN NAAN SI JASIN FƐ’N I BO KPA | MAAN E DI AKLUNJƆƐ KPA JASIN FƐ’N I BOLƐ’N NUN
Maan e fa ninnge nga e fa kunndɛ like’n e di junman
Zoova man e ninnge wie mun naan y’a si like kle. Be nun wie yɛle video mun, fluwa nɲa mun, Sasafuɛ Tranwlɛ’n nin An Tinnge! Asa ekun’n ɔ fa fluwa pɛplɛɛplɛ mun, fluwa mun, ɔ nin Biblu’n m’ɔ ti ninnge nga e fa bo jasin fɛ’n be nun klikli’n man e wie. (2Ti 3:16) Kɛ ɔ ko yo naan y’a kwla yiyi Biblu’n nun ndɛ mma’m be nun kpa’n Zoova mannin e ninnge wie mun naan y’a kwla kunndɛkunndɛ be su like. Be yɛle Watchtower Library, nin JW Library®, Watchtower ƐNTƐNƐTI SU FLUWA SIEWLƐ ɔ nin Zoova i Lalofuɛ’m be like kunndɛlɛ fluwa’n.
Sɛ e fa ninnge fanunfanun sɔ mun e fa kunndɛ like kpa ekun’n, é dí aklunjɔɛ. Maan e kle be nga e kle be Biblu’n nun like’n naan be si wafa nga be kwla fa ninnge sɔ’m be di junman’n. Sɛ e yo sɔ’n é dí aklunjɔɛ afin bé wún kosan nga be fa usa be wun’n be su tɛlɛ’n.
AN NIAN VIDEO NGA BE FLƐ I KƐ ZOOVA UKA E NAAN Y’A DI AKLUNJƆƐ SRAN’M BE LIKE KLELƐ’N NUN—NINNGE NGA E FA KUNNDƐ LIKE’N. I SIN’N, AN TƐ KOSAN NGA’M BE SU:
-
?Ngue ndɛ yɛ Jadi kannin fa tanndannin Neta ɲrun-ɔn?
-
?Nin yɛ Neta kunndɛli ndɛ sɔ’n i su like-ɔ?
-
Kɛ e kunndɛ Biblu’n nun ndɛ wie’m be su like mɔ e nin e wiengu mun e koko su yalɛ’n e di aklunjɔɛ.
?Ngue yɛ Neta yoli naan w’a wun like ng’ɔ kwla uka Jadi-ɔ?
-
?Kɛ Neta fali ninnge nga e fa kunndɛ like’n mun dili junman’n i su ye benin yɛ ɔ ɲɛnnin i-ɔ?
