Mɛn’n i awieliɛ blɛ nga nun’n lika’n ti kekle kpa. Yɛ kɛ mɛn i awieliɛ’n mántan koko kpa’n nn sa kekle’m bé sɔ́n. Ɔ ju wie’n e mian ninnge wie’m be wun. (Aba 3:16-18) ?Sɛ sika ndɛ’n ti kekle e su’n, ngue yɛ ɔ kwla uka e naan y’a jran kekle-ɔ? Maan e fa e wla e guɛ i Zoova su titi. Ɔ tali nda kɛ ɔ́ níɛn i sufuɛ’m be lika yɛ sa kwlaa nun’n ɔ́ mán be like nga be sa miɛn i wun’n.—Ju 37:18, 19; Ebr 13:5, 6.

Like nga e kwla yo’n:

• Maan e srɛ Zoova kɛ ɔ kle e atin, ɔ man e ngwlɛlɛ naan kusu ɔ suan e bo.—Ju 62:8

• Sɛ be man e junman wie mɔ e nin-a dimɛn i le’n, maan e sɔ nun.—g-F 1/10 8-9, kuku

• Maan e kanngan Ɲanmiɛn Ndɛ’n nun cɛn kwlaa, e tran aɲia’m be bo yɛ e bo jasin fɛ’n.

AN NIAN VIDEO NGA BE FLƐ I KƐ MAAN AMUN SUA’N I BO WLA ASE KPA: “AMUN ƝIN YI LIKE NGA AN LƐ I’N.” I SIN’N, AN TƐ KOSAN NGA’M BE SU:

• ?Sa benin yɛ ɔ o awlobofuɛ wie’m be su-ɔ?

• ?Like benin yɛ ɔ ti cinnjin kpafuɛ’n niɔn?

• ?Be nga sika ndɛ’n ti kekle be su’n ngue yɛ e kwla yo uka be-ɔ?