Jue 114 yɛ srɛlɛ

Aɲia’n i su fitilɛ (Min. 3)

“Sɛ e waan é sú Ɲanmiɛn kpa’n, ɔ fata kɛ e mian e ɲin”: (Min. 10)

• 2Nyo 29:10-17—Ezekiasi dili junman kekle kpa naan w’a kwla taka Ɲanmiɛn sulɛ kpafuɛ’n ekun.

• 2Nyo 30:1-5, 6, 10-12—Ezekiasi yiali be kwlaa nga be awlɛn ti kpa’n kɛ be wa su Ɲanmiɛn.

• 2Nyo 32:25, 26—Ezekiasi yacili i wun tulɛ, kpɛkun ɔ kɛnnin i wun ase. (w05 1/11 8 § 20)

Kunndɛ ninnge kpakpa mɔ be o Ɲanmiɛn Ndɛ’n nun’n: (Min. 8)

• 2Nyo 29:11—?Ninnge ng’ɔ fata kɛ e dun mmua e yo be’n, i su ajalɛ kpa benin yɛ Ezekiasi kleli ɔ? (w13 1/11 18 § 6-7)

• 2Nyo 32:7, 8—?Like cinnjin kpafuɛ nga e kwla yo naan y’a kwla jran e ɲrun lɔ sa’m be ɲrun kekle’n yɛle benin? (w13 1/11 21 § 17)

• ?Ngue yɛ Biblu’n i bue nga e kanngan nun le mɔcuɛ nga nun’n, ɔ kle min Zoova su ɔ?

• ?Biblu’n i bue nga e kanngan nun le mɔcuɛ nga nun’n, i nun ndɛ benin yɛ n kwla fa m bo jasin fɛ ɔ?

Biblu’n nun kannganlɛ: 2Nyo 31:1-10 (Min 4)

Wafa nga anglo nga nun e kwla fa fluwa mun e man’n: (Min. 15)

Ijɔlɛ nin nzrafuɛ’m be kosan usalɛ. Bo video ng’ɔ kle wafa nga e kwla fa Sasafuɛ Tranwlɛ’n e man’n. Kpɛkun amun koko i nun ndɛ cinnjin’m be su yalɛ. Fa nzrafuɛ’m be ɲin sie i like nga jasin bofuɛ’n yo naan w’a kwla ko nian sran’n i osu’n, i su. Fa fluwa nɲa ?Amun bu Biblu’n i sɛ? ɔ nin fluwa Jasin fɛ naan yo i kunngba’n. Ndɛ akpasua ng’ɔ suan “Wafa nga e kwla fa fluwa Jasin fɛ e kle sran’m be like’n” fa be ɲin sie su. Wla jasin bofuɛ’m be fanngan naan be klɛ ajalɛ uflɛ mɔ be kwla fa’n.

Jue 127

“E aɲia yowlɛ’m be kplanlɛ’n nin be lika nianlɛ’n ti e cenjele junman.”: (Min. 15) Ijɔlɛ nin nzrafuɛ’m be kosan usalɛ. Be nga be ukali aniaan mun mɔ be kplannin Ɲanmiɛn Sielɛ Sua’n, se be naan be kan aklunjuɛ nga be dili’n i ndɛ. Usa aniaan ng’ɔ nian asɔnun sua’n i yɛinyɛin yolɛ junman su’n, i kosan. Maan ɔ kan wafa nga be siesieli junman sɔ’n i ndɛ.

Asɔnun’n i Biblu’n nun like suanlɛ: ia ndɛ tre 6 § 1-14 (Min. 30)

Bo aɲia’n i bo ndɛ’n i kpɔlɛ, kpɛkun kan ng’ɔ́ bá lɔ’n i ndɛ. (Min. 3)

Jue 142 yɛ srɛlɛ

Nán ɔ wla fi su: Ka naan b’a to jue’n, maan be dun mmua bo i su miziki’n naan nzrafuɛ’m be tie.