Sɛ Biblu’n nun like suanfuɛ kun kunndɛ kɛ ɔ nin Zoova bé trá janvuɛ’n ɔ fata kɛ ɔ nin sran kpa’m be san nun. (Ju 15:1, 4) Sɛ ɔ nin sran kpa’m be san nun’n i sɔ’n úkɛ i naan w’a yo like ng’ɔ ti kpa’n.—Nya 13:20; lff-F like suanlɛ 48, lv like suanlɛ 3.

Kɛ é úka Biblu’n nun like suanfuɛ kun naan ɔ nin sran tɛ’m b’a sanman nun’n ɔ fata kɛ e wun wafa nga i wun yo i’n i wlɛ. Kɛ ɔ ko yo naan ɔ nin i janvuɛ laa’m b’a sanman nun kun’n i sɔ’n kwla yo kekle mɛn i. Ɔ maan blɛ mɔ e klemɛn i Biblu’n nun like’n maan e kle i kɛ i ndɛ lo e. I lɛ nun’n e kwla klɛ i mesazi, annzɛ e kwla flɛ i annzɛ kusu e kwla ko niɛn i osu. Kɛ ɔ́ súan like kɔ́ i ɲrun’n sɛ asɔnun’n nunfuɛ’m be su yiyi be ɲin su’n e kwla yiɛ i naan ɔ trɛn i bo wie. Kɛ ɔ́ kɔ́ i ɲrun’n ɔ́ wún i wlɛ kɛ ninnge ng’ɔ ɲannin be’n be sɔnnin tra ng’ɔ fili i sa’n. (Mr 10:29, 30) E kusu kɛ é wún i kɛ Zoova i awlobo trɛ́ kɔ́’n é dí su aklunjɔɛ.

AN NIAN VIDEO NGA BE FLƐ I KƐ MAAN E UKA BIBLU’N NUN LIKE SUANFUƐ MUN NAAN BE NIN SRAN TƐ’M B’A SANMAN NUN. I SIN’N, AN TƐ KOSAN NGA’M BE SU:

• ?Wan yɛle sran tɛ mun?—1Ko 15:33

• ?Jadi ɲrun’n wafa sɛ yɛ Klisifuɛ’m be yiyi be ɲin su-ɔ?

• ?Ngue yɛ Neta yoli naan Jadi nin sran tɛ’m b’a sanman nun-ɔn?