E le ɲrun Zoova ɲrun. (Eza 43:4) Ɔ yoli maan e fali wun e mɛntɛnnin i, yɛ e o i anuannzɛ’n nun. E ti Zoova liɛ klonglo afin e fali e wun e mɛnnin i yɛ be yoli e batɛmun. Kɛ mɔ e ti i liɛ’n ti’n, sɛ sa’m be tɔ e su’n ɔ́ nían e lika. Ɔ́ sín i anuannzɛ’n i lika klé kɛ ɔ klo e titi.​—Ju 25:10.

Koko nun wa’n Zoova i anuannzɛ’n yoli ninnge wie mun ukali aniaan nga sanvuɛsa tɔli be su’n. Sɛ e fa e ɲin e sie i ninnge sɔ’n be su’n, é wún i wlɛ kɛ Zoova klo e. Asa kusu’n, é klé kɛ e si ye kpa.

AN NIAN VIDEO NGA BE FLƐ I KƐ AFUƐ 2019 NUN JUNMAN NGA E ANUANNZƐ’N I ƝRUN DINFUƐ’M BE KOMITE’M BE SUNIANFUƐ’M BE DILI’N. I SIN’N, AN TƐ KOSAN NGA’M BE SU:

• ?Wafa sɛ yɛ E Anuannzɛ’n i Ɲrun Dinfuɛ’m be komite’m be sunianfuɛ’m be uka mɛn’n wunmuan’n nun Betɛli mun naan b’a kwla jran sanvuɛsa’m be ɲrun kekle-ɔ?

• ?Kɛ sanvuɛsa tɔli Ɛndonezi nin Nizeria lɔ’n ajalɛ benin yɛ Zoova i anuannzɛ’n kleli aniaan mun-ɔn?

• ?Korona virisi (COVID-19) blɛ nun’n ngue yɛ anuannzɛ’n yoli m’ɔ yo ɔ fɛ kpa-ɔ?