LIKE NGA KLISIFUƐ’M BE YO’N
Maan e bu akunndan nga Zoova bu’n wie
Sa kwlaa nun’n, e kunndɛ kɛ Zoova klun jɔ e wun. (Ɲan 27:11) Sɛ e waan é fá ajalɛ kun naan mmla trele wie kleman like ng’ɔ fata kɛ e yo’n, maan ajalɛ nga é fá’n ɔ nin wafa nga Zoova bu ninnge mun’n be wɔ likawlɛ. ?Ngue yɛ ɔ kwla uka e naan y’a yo sɔ-ɔ?
Maan e suan Biblu’n nun like titi. Blɛ kwlaa nga e kanngan Biblu’n nun’n ɔ ti kɛ e nin Zoova yɛ e wo sa. Sɛ e suan wafa nga Zoova nin i sufuɛ’m be trannin’n ɔ nin be nga be yoli sa kpa annzɛ sa tɛ i ɲrun’n be su like’n, i sɔ’n úka e naan y’a si akunndan ng’ɔ bu’n. Sɛ ɔ fata kɛ e fa ajalɛ wie’n, Ɲanmiɛn wawɛ’n kwla yo maan e wla kpɛn ninnge cinnjin wie mun ɔ nin mmla wie mɔ e suannin be su like Ɲanmiɛn Ndɛ’n nun’n be su.—Zan 14:26.
Maan e kunndɛkunndɛ like nga e suan’n i su like. Sɛ ɔ fata kɛ e fa ajalɛ kun’n, maan e usa e wun kɛ: ‘?Biblu’n nun ndɛ mma benin annzɛ ndɛ benin yɛ ɔ o Biblu’n nun mɔ kwla uka min naan m’an si akunndan nga Zoova bu i sa sɔ’n su-ɔ?’ Srɛ Zoova kɛ ɔ uka wɔ yɛ sɛ e fluwa wie’m be yiyi sa sɔ’n nun ɔ aniɛn’n nun’n kanngan nun yɛ nanti i nun ndɛ nga be kwla uka wɔ’n su.—Ju 25:4.
AN NIAN VIDEO NGA BE FLƐ I KƐ MAAN “E MIAN E ƝIN SIN LIKA NGA BE KLE YE’N NUN”—E DI ALIƐ KPA. I SIN’N, AN TƐ KOSAN NGA’M BE SU:
-
?Sa benin yɛ ɔ juli e niaan bla’n su-ɔ?
-
?Sɛ sa kunngba’n wie o e su’n, wafa sɛ yɛ ninnge nga e fa kunndɛ like’n be kwla uka e-ɔ?
-
?Kɛ e kunndɛkunndɛ sa wie’m be su like’n yɛ kɛ e ngunmin e suan Biblu’n nun like’n, wafa sɛ yɛ i sɔ’n uka e naan y’a fa ajalɛ kpa-ɔ?—Ebr 5:13, 14
