Ɲanmiɛn Ndɛ’n kwla yo maan e kaci. (Ebr 4:12) Sanngɛ sɛ e waan é ɲán su ye’n, ɔ fata kɛ e lafi su kɛ i nun ‘ndɛ’n fin Ɲanmiɛn.’ (1Te 2:13) ?Ngue yɛ e kwla yo naan y’a lafi Biblu’n nun ndɛ’n su kpa-ɔ?

Maan e kanngan Biblu’n nun cɛn kwlaa. Kɛ é kánngan nun’n, maan e kunndɛ ninnge nga be kle kɛ Biblu’n fin Zoova sakpasakpa’n. I wie yɛle kɛ sɛ e kanngan Ɲanndra Mun fluwa’n nun naan e fa e ɲin sie i afɔtuɛ nga be o nun’n be su’n, é síe wafa nga i nun ngwlɛlɛ ndɛ’m be kan e wie andɛ’n be nzɔliɛ.—Ɲan 13:20; 14:30.

Maan e suan nun like. Maan e suan Biblu’n nun like kpa naan e wun ninnge nga be kle kɛ i nun ndɛ’n fin Ɲanmiɛn’n be wlɛ. Nian Zoova i Lalofuɛ’m be like kunndɛlɛ fluwa i akpasua ng’ɔ suan ndɛ ja mun nun, i sin’n nian i bue nga be flɛ i kɛ “Biblu’n” nun. I sin’n, nian kan be klɛli i lɛ kɛ “Ɔ fin Ɲanmiɛn.” Asa’n, sɛ a nian Biblu’n i bue nga be flɛ i kɛ Ndɛ uflɛ wie mun A3 nun lɔ’n, á wún i wlɛ kɛ Biblu’n nun ndɛ’n w’a kaciman.

AN NIAN VIDEO NGA BE FLƐ I KƐ ?NGUE TI YƐ E LAFI ƝANMIƐN NDƐ’N SU-Ɔ? I SIN’N, AN TƐ KOSAN NGA’M BE SU:

• ?Ezipti lɔ’n, ngue yɛ be wunnin i Kaanaki klɔ’n i wun talɛ’n wun m’ɔ kle kɛ Ɲanmiɛn Ndɛ’n ti nanwlɛ-ɔ?

  Your answer

• ?Ngue ti yɛ e si kɛ Biblu’n nun ndɛ’n w’a kaciman-ɔn?

  Your answer

• Lele nin andɛ’n Biblu’n te o lɛ. ?Wafa sɛ yɛ i sɔ’n kle kɛ Biblu’n fin Ɲanmiɛn sakpa-ɔ?—Kanngan Ezai 40:8 nun.

  Your answer