LIKE NGA KLISIFUƐ’M BE YO’N
Kɛ sa’m be tɔ be su’n Zoova uka e naan y’a jran kekle
Mɛn’n i awieliɛ blɛ nga nun’n, sa kekle kpanngban be tɔ e su. Ɔ ju wie’n ɔ yo e kɛ e su sa’m be sɔnnin naan e kwlá jranman be ɲrun kekle sa. Sanngɛ sɛ e fa e wun mantan Zoova’n kannzɛ e su sa’m be ti sɛ ti sɛ’n, ɔ́ úka e naan y’a kwla jran be ɲrun kekle. (Eza 43:2, 4) ?Sɛ sa’m be o e su’n wafa sɛ yɛ e kwla fa e wun mantan Zoova-ɔ?
Maan e srɛ Ɲanmiɛn. Kɛ e tu e klun e srɛ Zoova’n ɔ uka e maan e wla gua ase yɛ ɔ man e wunmiɛn naan y’a kwla jran e su sa’m be ɲrun kekle.—Fip 4:6, 7; 1Te 5:17.
Maan e tran aɲia’m be bo. Andɛ’n, e mian ninnge nga Zoova fa man e naan y’a kwla su i’n be wun kpa tra laa’n. Ninnge sɔ’m be nun wie yɛle e aɲia mun. (Ebr 10:24, 25) Kɛ e siesie e wun ka naan y’a ɔ aɲia’m be bo’n mɔ kusu e tɛ kosan’m be su’n, e ɲan ukalɛ mɔ Zoova uka e’n i su ye kpa.—Ngl 2:29.
Maan e bo jasin fɛ’n. Sɛ e yo like kwlaa nga e kwla yo naan y’a bo jasin fɛ’n titi’n i sɔ’n úka e naan e akunndan’n w’a tran like ng’ɔ ti kpa’n su. Asa’n e nin e niaan mun e afiɛn mántan yɛ e nin Zoova kusu e afiɛn mántan wie.—1Ko 3:5-10.
AN NIAN VIDEO NGA BE FLƐ I KƐ ZOOVA FÁ AMUN SÍE. I SIN’N, AN TƐ KOSAN NGA’M BE SU:
-
?Blɛ kekle nun’n, ngue yɛ ɔ ukali Malu naan w’a kwla fɛ i wun w’a mantan Zoova titi-ɔ?
-
?Kɛ Malu sa’n, wafa sɛ yɛ blɛ kekle nun’n ndɛ ng’ɔ o Jue Mun 34:18 nun’n kwla fɔnvɔ e-ɔ?
-
?Wafa sɛ yɛ Malu i su ndɛ’n kle kɛ blɛ kekle nun’n, wunmiɛn nga Zoova man e’n ɔ ‘tra klɔ sran liɛ’n’ niɔn?—2Ko 4:7
