I bo bolɛ nun’n, Moizi seli i wun kɛ ɔ su kwlá diman junman nga Zoova fa mɛnnin i’n. (Tu 4:10, 13) ?Ɔ wun w’a yo ɔ sɔ le? ?Zoova i Lalofuɛ’m be kle ɔ Biblu’n nun like? ?Kɛ a bu jasin fɛ bolɛ awloawlo’m be nun’n i akunndan’n srɛ kun wɔ? Annzɛ kusu a ti gbanflɛn annzɛ talua yɛ srɛ’n ti’n a kwlá boman jasin fɛ’n kleman ɔ wiengu suklu ba mun. Atrɛkpa kusu’n, nzra nun jasin fɛ bolɛ’n annzɛ telefɔnun nun jasin fɛ’n bolɛ kun ɔ srɛ. Sɛ ɔ ti sɔ’n, srɛ Zoova naan ɔ fɛ i wawɛ’n uka ɔ. (1Pi 4:11) Lafi su kɛ ɔ́ úka ɔ naan w’a di junman kwlaa ng’ɔ́ fá mán wɔ’n.​—Tu 4:11, 12.

AN NIAN VIDEO NGA BE FLƐ I KƐ MAAN AMUN YO YAKPAFUƐ: JASIN FƐ BOFUƐ MUN. I SIN’N, AN TƐ KOSAN NGA’M BE SU:

• ?Ngue yɛ ɔ yoli kekle mannin aniaan bla Aoyama-ɔ?

• ?Ngue yɛ ɔ ukɛli i naan w’a yo yakpafuɛ-ɔ?​—Ze 20:7-9

• ?Kɛ ɔ ukali junman ng’ɔ di man Zoova su’n, ye benin yɛ ɔ ɲɛnnin i-ɔ?

• ?Jasin fɛ bolɛ nun’n, sa benin’m be nun yɛ Zoova kwla uka ɔ naan w’a jran kekle-ɔ?