Andɛ, sɛ y’a nianman e wun su’n, e kwla kunndɛ ninnge kaka e fa kle e wun yalɛ ngbɛn. Afin kɛ e waan é ɲán like kun’n, ɔ fata kɛ e ɲan blɛ nin wunmiɛn naan y’a fa kunndɛ like sɔ’n, naan i sin’n y’a to. Kɛ e ko to’n, ɔ fata kɛ e ɲan blɛ nin wunmiɛn ekun naan y’a fa like sɔ’n y’a yo e wun sa ye, y’a siesie like sɔ’n i ye, naan y’a sɛsɛ i. Zezi w’a kunndɛman ninnge kaka. Ɔ yoli i sɔ naan i sa nun ninnge wie fi w’a tɛnndɛnmɛn i ɲrun Ɲanmiɛn junman’n i dilɛ’n nun.—Mt 8:20.

?Ninnge benin mun yɛ amun kwla kpɔci be annzɛ amun kwla yaci be yolɛ naan amun a bo jasin fɛ’n i kpa ekun ɔn? ?Amun kwla kacikaci ninnge wie’m be yolɛ naan amun awlo nunfuɛ kun w’a kaci atin bofuɛ? ?Kannzɛ bɔbɔ dɔ nga su amun di Ɲanmiɛn junman blɛ kwlaa nun’n, blɛblɛblɛ amun a kunndɛ ninnge kaka ti’n, amun wunman amun wun fɛ kpa kun? Kɛ sran kun su Zoova m’ɔ kunndɛman ninnge kaka’n, mɔ like kan ng’ɔ le i’n ɔ ju i’n, ɔ di aklunjuɛ.—1Ti 6:7-9.

Ninnge nga n kwla kpɔci be annzɛ n kwla yaci be yolɛ’n klɛ be