LIKE NGA KLISTFUƐ’M BE YO’N
Di junman sɔ’n i afuɛ kun nian
?Junman benin ɔn? Titi atin bolɛ junman’n niɔn! Nanwlɛ, sɛ a di’n, saan muae cɛ yɛ á ɲɛ́n i ɔ!
KƐ A DI ATIN BOLƐ JUNMAN’N...
-
ɔ sa tɔ jasin fɛ’n i bolɛ nun kpɛkun a klo jasin fɛ bolɛ’n i kpa ekun.
-
a nin Zoova amun afiɛn mantan kpa ekun. Blɛ kwlaa nga a kɛn i ndɛ kle sran mun’n, ɔ wla kpɛn i nzuɛn mɔ be yo ɲɛnmɛn’n, be su.
-
aklunjuɛ nga be di kɛ be dun mmua yo Ɲanmiɛn i ninnge liɛ mun’n, a di wie. Kpɛkun aklunjuɛ nga be di kɛ be klɛn be wun be uka be wiengu’n, a di wie.
—Mat. 6:33; Yol. 20:35 -
Kɛ akpasua sunianfuɛ’n ba asɔnun’n i osu nianlɛ’n, aɲia nga ɔ nin atin bofuɛ’m be yo’n, a trɛn i bo wie. Kpɛkun, aɲia nga akpasua sunianfuɛ’n nin atin bofuɛ’m be yo i lemɔcuɛ nga be yo akpasua kun aɲia’n i nun’n, a trɛn i bo ekun. Asa ekun’n, a di atin bofuɛ’m be suklu’n.
-
a ɲan sran kpanngban be Biblu’n nun like klelɛ i wun atin, yɛ a kle be like titi.
-
a nin jasin bofuɛ onga’m be bo jasin kpɛ sunman, yɛ amun wla amun wun fanngan.
—Rɔm. 1:11, 12.
