ƝANMIƐN NDƐ’N NUN NINNGE KPAKPA WIE MUN | JUE MUN 74–78
Maan ɔ wla kpɛn sa nga Zoova yoli be’n, be su
Sa nga Zoova yoli be’n, be su akunndan bulɛ’n ti cinnjin kpa
-
Kɛ e kanngan Ɲanmiɛn Ndɛ’n nun mɔ e bu i su akunndan’n, i sɔ’n yo maan ndɛ nga e kanngannin’n wluwlu e wun. Kpɛkun ninnge fanunfanun nga Ɲanmiɛn fa ta e naan y’a kwla su i’n, e si be su ye leleele.
-
Kɛ e bu Zoova i akunndan lele’n, i sɔ’n yo maan e wla kpɛn sa dandan ng’ɔ yoli be’n, be su. Kpɛkun i sɔ’n yo maan e wla kpɛn ninnge nga i waan cɛn wie lele’n ɔ́ yó mán e’n, be su.
Sa nga Zoova yoli be’n, be nun wie mun yɛ:
-
Ninnge ng’ɔ yili be’n
Kɛ é súan ninnge nga Zoova yili be’n, be su like’n nn e ɲin yí i kpa ekun.
-
Aniaan bian ng’ɔ kpali be kɛ be nian asɔnun’n i lika’n
Ɔ fata kɛ e ɲin yi be nga Zoova kpali be kɛ be yo e ɲrun dinfuɛ asɔnun nun’n.
-
Sa ng’ɔ yoli be fa deli i nvle’n nunfuɛ mun’n
Kɛ e wla kpɛn sa nga Zoova yoli be fa deli i nvle nunfuɛ’m be su’n, e lafi su kpa kɛ ɔ kwla niɛn i sufuɛ’m be lika, naan ɔ klo kɛ ɔ́ yó i sɔ.
