Sɛ ɔ waan á dí Ɲanmiɛn Sielɛ’n i jasin bofuɛ’m be suklu’n wie’n ɔ fataman kɛ a minndɛ kɛ ɔ su sa’m be kwlaa be wie ka. Sanngɛ like ng’ɔ ti cinnjin kpa’n yɛle kɛ a yo sran mɔ i ɲin w’a ti Ɲanmiɛn sulɛ nun m’ɔ lafi i su yɛ m’ɔ klo i kpa’n. Asa’n ɔ fata kɛ a yo sran m’ɔ kunndɛ kɛ ɔ́ dí junman kwlaa nga Zoova i anuannzɛ’n fá mɛ́n i’n. —Eza 6:8.

AN NIAN VIDEO NGA BE FLƐ I KƐ LAFI ƝANMIƐN SU NAAN UKA JUNMAN NGA A DI’N SU: A KWLA DI ƝANMIƐN I FAMIƐN DILƐ’N I JASIN BOFUƐ’M BE SUKLU’N. I SIN’N, AN TƐ KOSAN NGA’M BE SU:

• ?Ngue ti yɛ Gabliɛli buli kɛ ɔ su kwlá diman suklu sɔ’n wie-ɔ? ?Kɛ ɔ buli Filipufuɛ Mun 4:13 i su akunndan’n i su ye benin yɛ ɔ ɲɛnnin i-ɔ?