Sɛ e waan é tú lika nga e o lɛ naan é kɔ́ lika uflɛ naan é kó bó jasin fɛ’n lɔ’n, ɔ ti cinnjin kɛ e lafi Ɲanmiɛn su. (Ebr 11:8-10) Sɛ amun waan amún kɔ́ kan nga be mian jasin bofuɛ’m be wun lɔ’n amun bo su kle asɔnun kpɛnngbɛn mun. ?Ninnge benin yɛ be kwla uka e naan y’a wun i wlɛ sɛ ɔ fata kɛ e fɛ i sɔ ajalɛ’n niɔn? ?Asa’n ngue yɛ ɔ kwla uka e naan y’a si lika ng’ɔ fata kɛ e wɔ’n niɔn? E fluwa wie’m be kan aniaan nga be ɔli kan be mian jasin bofuɛ’m be wun lɔ’n be ndɛ. Amun kanngan fluwa sɔ’m be nun. Be nga be ko suannin asɔnun bo wie’m be bo mɔ i bo guali kpa’n, amun nin be koko yalɛ. (Nya 15:22) Amun srɛ Zoova naan ɔ kle amun atin. (Zak 1:5) Amun kunndɛkunndɛ lika nga amun waan amún kɔ́ lɔ’n i su like. Sɛ amun le i wun atin’n amun fa cɛn kpanngban ko niannian lɔ ka naan amun a fa ajalɛ kɛ amún kɔ́ lɔ.

AN NIAN VIDEO NGA BE FLƐ LAFI ƝANMIƐN SU NAAN UKA JUNMAN NGA A DI’N SU: KƆ KAN BE MIAN JASIN BOFUƐ’M BE WUN LƆ’N. I SIN’N, AN TƐ KOSAN NGA’M BE SU:

• ?Ngue yɛ ɔ kleli Gabliɛli i yalɛ-ɔ? ?Ngue yɛ ɔ ukɛli i-ɔ?