Aniaan’m be di junman kekle naan b’a kwla siesie wafa nga e nin sran mun e kwla koko yalɛ’n i su ajalɛ’n. Jasin bofuɛ kpanngban be waan kɛ be nian su be bo jasin fɛ’n i bo’n gua kpa. Kɛ mɔ mɛn’n nun sa’m be kacikaci’n ti’n jasin bofuɛ’m be kwla jran sa nga be o be asa’n su lɔ’n su be siesie wafa nga be kwla bo jasin fɛ’n. Sanngɛ jasin fɛ bolɛ ngunmin kun liɛ’n i su ajalɛ nga be kle e’n ɔ fata kɛ e kwlaa e nian su nanti. Afin like ng’ɔ ti e cinnjin’n yɛle kɛ é bó Ɲanmiɛn i Sielɛ’n i jasin fɛ’n kɛ nga Zezi fa kannin’n sa.—Mt 24:14.

Kɛ suklu ba’m bé dí be junman’n ɔ fata kɛ be nian wafa nga e nin sran mun e kwla koko yalɛ i su ajalɛ ng’ɔ o e fluwa Klisifuɛ mun nin be junman’n Aɲia fluwa nun su. Sɛ kosan wie annzɛ Biblu’n nun ndɛ mma wie o lɛ naan ɔ kwla uka amun jasin bowlɛ nunfuɛ’m be kpa’n a kwla fa di ɔ junman’n. Asa’n kosan nga amún tɛ́ su cɛn uflɛ’n a kwla kaci i wie. Ɔ maan ajalɛ nga be o Klisifuɛ mun nin be junman’n Aɲia fluwa’n afuɛ 2020 Zuɛn anglo liɛ’n nun’n i bue 8 su’n b’a kaci kan.